குரு வாழ்க ! குருவே துணை !!

Friday, December 23, 2022

100 ரூ கடன் கடனாளி பிரச்சினை 100000 கடன் வங்கிப் பிரச்சினை - வங்கி ஊழல்கள்

நீங்கள் வங்கிக்கு $100 கடன்பட்டால் அது உங்கள் பிரச்சனை, நீங்கள் வங்கிக்கு $100 மில்லியன் கடன்பட்டிருந்தால், அது வங்கியின் பிரச்சனை என்கிற பழமொழி பற்றிக் கேள்விப்பட்டிருக்கின்றீர்களா? ஒரு லட்ச ரூபாய் வங்கிக் கடனைக் கட்டாதவன் நிலை என்னவென்று நினைத்துப் பாருங்கள். இதே போல 10000 கோடி கடன் வாங்கியன் எவ்வளவு சொகுசாய் இருக்கிறான் என்பதையும் கவனியுங்கள்.

சில்லறைக் கடன் வாங்குபவர்கள் கார் அல்லது வாகனக் கடனைத் திருப்பிச் செலுத்தத் தவறினால், அவர்களிடமிருந்து பணத்தைத் திரும்பப் பெற வங்கிகள் கடனாளியின் கதவைத் தட்டும். மூன்றாம் தரப்பினரைப் பயன்படுத்தி கடனை வசூலிக்க அவமானப்படுத்தும் தந்திரங்களைக் கூடச் செய்கிறார்கள். வங்கிகளின் இந்த செயல்கள் பெரும்பாலான சந்தர்ப்பங்களில் வேலை செய்கின்றன மற்றும் கடன் வாங்கியவர் திருப்பிச் செலுத்துகிறார். கடன் வாங்கினால் கட்டு, இல்லையெனில் இப்படித்தான் செய்வோம் என்று மிரட்டுவார்கள்.

ஆனால் கார்ப்பரேட் நிறுவனங்களின் கடன் என வரும்போது இது முற்றிலும் மாறுபட்ட விளையாட்டாகும். சக்தி வாய்ந்த கடன் பெற்றவர்களிடம் மேலே சொன்ன வழிகளை வங்கிகள் கையாளுவதில்லை. இந்தக் கடனாளிகளைக் காப்பாற்ற கோர்ட், கோர்ட் என வழக்குகள் போடும் வக்கீல்கள் திருட்டு வேலை செய்கிறார்கள். இவர்களிடம் வங்கிகள் அடங்கிப் போய், இறுதியில் பல ஆண்டுகால கடனுக்காக சிறிய அளவில் கடனை மீட்கின்றன. கோவையில் 420 கோடி கடன் கொடுத்த கனரா வங்கி, சுமார் 52 கோடி மதிப்புள்ள சொத்துக்களை வெறும் ஐந்து கோடிக்கு ஏலம் விட்டது. கனரா வங்கி ஏன் 51 கோடி ரூபாய் சொத்துக்களை ஐந்து கோடிக்கு ஏலம் விட்டது? யாருக்கேனும் தெரியுமா? ஊழல் ஊழல் ஊழல்.

கடன் வாங்கி விட்டு, திருப்பிக் கட்டாமல் தப்பியோடிய பொருளாதார குற்றவாளியான மெஹுல் சோக்சியால் விளம்பரப்படுத்தப்பட்ட கீதாஞ்சலி ஜெம்ஸ் ரூ.7,848 கோடியுடன் முதலிடத்திலும், ரூ.5,879 கோடி அம்பலப்படுத்திய எரா இன்ஃப்ரா இரண்டாவது இடத்திலும், ரூ.4,803 கோடி மதிப்பிலான கடனைத் திருப்பிச் செலுத்தாத ரெய் அக்ரோ நிறுவனமும் உள்ளன.

இப்போது ஆன்டிகுவான் குடிமகனாகக் கூறப்படும் சோக்ஸி, இந்தியச் சட்டத்திற்கு அப்பாற்பட்டவர். அரசாங்கமும் அதன் பல சட்ட அமலாக்க அமைப்புகளும் இதுவரை, வங்கியில் கடன் செலுத்தாத முன்னாள் மதுபான வியாபாரி விஜய் மல்லையா, வின்சம் டயமண்ட்ஸ் & ஜூவல்லரி விளம்பரதாரர் ஜதின் மேத்தா மற்றும் சோக்சியின் மருமகன் நீரவ் மோடி உட்பட பலர் மீது பாராமுகவே இருக்கின்றன. 

கடந்த ஐந்து நிதியாண்டுகளில் வங்கிகள் தள்ளுபடி செய்த ரூ.10 லட்சம் கோடி கடனில் பெரும்பகுதி கார்ப்பரேட் நிறுவனங்களுக்கு சொந்தமானது.

மொத்தக் கடன் தள்ளுபடியில், வங்கிகளால் திரும்பப் பெற முடிந்தது - சுமார் ஒரு லட்சம் கோடி. மீதமுள்ள ரூ.9 லட்சம் கோடி போனது போலவே உள்ளது, இருப்பினும் தொழில்நுட்ப ரீதியாக மீட்பு செயல்முறை எப்போதும் நடந்து கொண்டிருக்கிறது என்று சப்பைக்கட்டு கட்டுகிறார் நிதியமைச்சர் நிர்மலா சீத்தாராமன்.

https://www.moneycontrol.com/news/business/new-rbi-data-shows-wilful-defaulters-are-laughing-all-the-way-away-from-banks-9731631.html


The numbers game

Ugly numbers are already popping up. The Reserve Bank of India data, shared with Parliament, on December 19 shows that the country’s top 50 "wilful defaulters" owed Rs 92,570 crore to Indian banks as of March 31, 2022.

It’s our money

Every rupee that a bank writes off has to be provided for—called provisioning in the bankspeak.

Banks' profitability thus takes a hit. Who are the real losers? Common shareholders and depositors. Banks are supposed to be the guardians of public money. They raise deposits from small and big depositors and use these to lend to businesses.

So whenever a loan is not repaid, it’s the shareholder of the banks (value erosion) and the depositors (as the bank turns weaker in terms of capital and profitability) who suffer.

The government has, time and again, reiterated its intent to clamp down on wilful defaulters.

Coordinated action by the government, RBI and other sector regulators is critical to tackling wilful defaulters as seen in the Kingfisher case.

Banks are sitting ducks for cronies and crooks. In most cases, banks haven’t made meaningful progress in the recovery from deep-pocketed and well-connected promoters. At the end of a long legal process, the value of underlying assets deteriorates and banks are left empty-handed.

The government’s intervention to speed up the recovery process is equally critical since each penny it feeds to state-run banks from the exchequer is public money.

A lot of ground needs to be covered and quickly, as the loan write-off and wilful defaulter numbers show. Do the government and the RBI have the will to clamp down on wilful defaulters?

ராம் சேது - ஹிந்தி திரைப்படம் - தமிழர்கள் மீதான இனவழிப்பு சதி

இன்றைய (23.12.2022) தமிழ் திசையில் பத்திரிக்கையில் பன்முகப் பரிமாணம் கொண்ட அறிஞர் தொ.பரமசிவன் அவர்களைப் பற்றிய கட்டுரையில் எழுத்தாளர் ச.தமிழ்செல்வன் எழுதியது கீழே.

சமூக அதிகாரத்தையும், ஆன்மீக அதிகாரத்தையும் தக்க வைத்துக் கொள்ள பார்ப்பனர்கள் உருவாக்கிய கற்பனையான பெரும் தெய்வங்களின் கதைகளை பெரியார் எதிர்த்தார் என்பது இதன் சாரம். 

ஏழாம் நூற்றாண்டில் பரந்து கிளைத்திருந்த சமண சமயத்தை திருஞான சம்பந்தத்தை வைத்து கழுவேற்றிக் கொலை செய்த சமணர்கள் வரலாறு இதற்குச் சான்றாக இருக்கிறது.


தமிழகத்தில் ”ராமர் சீதா போட்டோவை வைத்திருந்தாலே குடும்பத்தில் நிம்மதி இருக்காது” என்ற கருத்துக்கு வலுசேர்க்கும் வகையில் ராமருக்கு தமிழகத்தில் பெரும்பான்மையான கோவில்கள் இல்லை. புகழ் பெற்ற தலங்களும் இல்லை. 

ராமர் சீதா கதைகள் புராணக்கதைகள் என்பதைத் தவிர தமிழர்கள் ஆன்மீக வாழ்வியலில் ராமர் என்ற வைதீக கடவுளுக்கு எந்தப் பங்கும் இல்லை. வைதீக பார்ப்பனியர்கள் தான் மூச்சை அடக்கிக் கொண்டு ராமரைப் பற்றிப் பேசிக் கொண்டிருப்பார்கள். ராமர் சீதா கதைகளை விவரித்துக் கொண்டிருப்பார்கள். 

அதே போல ஆஞ்சனேயர் அவதாரங்களும் சமீப காலமாக தோன்றியவையே. அதுமட்டுமின்றி ராமர் வழிபட்ட சிவனிருக்கும் ஊர் ராமேஸ்வரம் என்று தான் இருக்கிறதே ஒழிய ராமருக்கு என எந்தச் சிறப்பும் இல்லை.

அபிஷேக் ஷர்மா என்ற பார்ப்பனர் இயக்கி, அமேசானில் வெளியான படம் தான் ராம்சேது. ஏன் இப்போது இப்படம் என்று உற்று நோக்கையில் சங்கிக் கும்பல்களின் கைவரிசை இது என்று தெரிய வருகிறது. சமண மதத்தை அழித்தது போல தமிழர்களின் தெய்வங்களை அழித்து விட பெரும் சதியை, இந்திய மக்களிடமிருந்து புத்திசாலித்தனமாக கொள்ளை அடிக்கப்பட்ட பணத்தை வைத்து பொய்யான கற்பனையான படங்களை எடுத்து வெளியிடுகிறார்கள்.

கடலில் இயற்கையாக உருவான மண் திட்டினை ராமர் பாலம் என்று நிருவி விட்டால், வட நாட்டில் ராமர் கோவில் போல இங்குமொரு ராமர் கோவிலைக் கட்டி, ஆட்சியைப் பிடித்து, தமிழர்களை நாசம் செய்து விடலாமென்ற பெரிய ஆவலில் உருவானது இப்படம் என தெள்ளத் தெளிவாகத் தெரிகிறது.

இந்தப் படத்தைப் பார்த்தேன். சுமார் ஏழாயிரம் ஆண்டுகளுக்கு முற்பட்டவர் ராமர் என்று கதை விட்டுக் கொண்டிருக்கிறார் இயக்குனர். இந்த இயக்குனர் ஏற்கனவே பின் லேடன் பற்றிய நகைச்சுவைப் படத்தை எடுத்துள்ளார். ராம் சேது படத்தின் தயாரிப்பாளர்கள் அபுனந்திதா எண்டர்டெயிண்ட்மெண்ட் லிமிட்டெட், லைகா புரடக்‌ஷன்ஸ் மற்றும் கேப் ஆஃப் குட் பிலிம்ஸ் நிறுவனங்கள். கூத்தாடிகளுக்கு காசு கொடுத்தால் சோப்பிலிருந்து, காண்டம், வீடு, லாட்டரி, சூதாட்டம் வரை செக்ஸ் வீரிய மாத்திரைகள் வரை மார்க்கெட்டிங்க் செய்வார்கள். அவ்வளவு கேவலமான தார்மீக அறமற்ற சுய நல வாதிகள் என்பதை நான் சொல்லித்தான் உங்களுக்குத் தெரிய வேண்டியதில்லை. கூட்டுச் சதிக்கு நடிகர்கள் விலை போவது ஒன்றும் புதிது இல்லை.

இப்படத்தில் கிளைமேக்ஸ் காட்சியில், நீதிபதிகள் சொல்லும் வசனம் தான் பார்ப்பனியத்தின் புரட்டுக்கு உதாரணம்.

”ஸ்ரீராமரை சாட்சிகளோடு நிரூபிக்க வேண்டியவர்கள் ராமரை ஏற்றுக் கொண்டவர்கள் அல்ல, ராமரை ஏற்றுக் கொள்ளாதவர்கள் தான் நிரூபிக்க வேண்டும்”

தமிழ் நாட்டில் இருக்கும் மண் திட்டினை ராமர் பாலம் என நிருவி அதன் மூலம் அரசியல் ஆதாயமும், மதக் கலவரத்தையும் தூண்டி விட இப்படம் முயற்சிக்கிறது என்று அப்பட்டமாக தெரிகிறது.


இந்தப் படம் இந்தியாவின் பாரம்பரியம் ஸ்ரீராமர் என்றெல்லாம் சொல்கிறது. இப்படத்தின் மூலம் அரசியல் ஆதாயம் தேடவும். மக்களை மூளைச்சலவை செய்யவும் தெளிவாக திட்டமிட்டிருக்கிறார்கள்.

ஆன்மீக நம்பிக்கைகளில் சிறார் திருமணம், உடன் கட்டை ஏறுதலும், விபச்சாரமும், மனிதப் பலியும் உண்டு. தெய்வ நம்பிக்கை என்கிற பெயரில் நடத்தபடும் வன்முறைகள் அரசியல் அதிகாரத்துக்குப் பயன்படுத்தப் படுகின்றதை இந்தியர்கள் பார்த்துக் கொண்டிருக்கிறார்கள். சமீபத்தில் குஜராத்தில் இடிக்கப்பட்ட கோவில்களில் தெய்வங்கள் இல்லையா? அதுவும் தெய்வங்கள் தானே? ஏன் இடிக்கப்பட்டன?

மோடி ஆட்சியில் 80 கோவில்கள் குஜராத்தில் இடிக்கப்பட்டன. செய்தி கீழே.



(ஏன் இந்துக் கோவில்கள் இடிக்கப்பட்டன? பிற தெய்வங்கள் எல்லாம் தெய்வங்கள் அல்ல என்பது அல்ல. ஸ்ரீராமர் மட்டுமே இந்தியாவின் தெய்வம் என்ற கட்டமைப்பினை உருவாக்க நடக்கும் சதியே, பிற தெய்வங்களின் கோவில்களை இடிக்கப்பட காரணமாக இருக்க முடியும்?

ராம்சேது திரைப்படத்தைத் தமிழர்கள் என்றுமே ஏற்றுக் கொள்ள மாட்டார்கள். ஏனென்றால் மத முட்டாள்கள் இல்லை தமிழர்கள் என்று காலம் பலமுறை மத தீவிரவாதிகளுக்குப் பாடம் கற்பித்து வருகிறது. தமிழகம் அறிவுசார் ஆன்மீக பூமி. பார்ப்பனர்களின் நயவஞ்சகத்துக்கு தமிழர்கள் பலியாக மாட்டார்கள். விரைவில் சிதம்பரம் நடராஜர் கோவில் மீட்கப்படும்.

மிகப் பெரிய பண பலத்துடன் தமிழர் தெய்வங்களை முற்றிலுமாக அழித்து, வைணவ தெய்வங்களை மட்டுமே பெரும் தெய்வங்களாக காட்டும் சதி சமீபகாலமாக அதிகரித்து வருகிறது.

தமிழர்களின் தெய்வங்கள் அம்மன்கள், குல தெய்வங்கள் என்பதை மறந்து விட வேண்டாம். வைணவ தெய்வங்கள் சாதியை முன் வைக்கின்றன. மனிதர்களுக்குள் வேற்றுமையை வளர்க்கின்றன. வன்முறையை உண்டாக்குகின்றன.  எந்தக் கடவுளும் யாருக்கும் எதுவும் செய்வதில்லை. உழைப்பே உயர்வு தரும் என்பதை மறந்து விட வேண்டாம்.

நன்றி :  தமிழ் செல்வன், தமிழ் திசை பத்திரிக்கை.

Friday, December 16, 2022

நிலம் (104) - நீதிமன்ற தீர்ப்புகளை சார் பதிவாளர் அலுவலகங்களில் பதிவு செய்ய காலவரம்பு இல்லை

பத்திரப்பதிவுத் துறையில் நடக்கும் மோசடிகளை வார்த்தைகளால் விவரித்து விட முடியாது. பூமி என்பது ஒருவருக்கு உயிர் போன்றது. மண்ணையும், பெண்ணையும் தான் மனிதன் தன் மானம் என நினைக்கிறான். 

சார் பதிவாளர் செய்யும் தவறான பத்திரத்தினால் ஒரு குடும்பமே நிலைகுலையும் என்பதினை அவர்கள் மறந்து விடுகிறார்கள். நீதிபதிகளுக்கும் அதுவே பொருந்தும். தீர்ப்புகள் சரியில்லை எனத் திருத்தப்பட்டால், பாதிக்கப்பட்டவர்களுக்கு ஆகும் நேர விரயம், பண விரயம், மன உளைச்சலால் உண்டாகும் ஆரோக்கிய குறைபாடு ஆகியவற்றுக்கு அந்த நீதிபதி பொறுப்பேற்க முடியுமா? சட்டத்தில் அதற்கு இடமில்லை.

சிம்பிளாக ஒரு கேள்வி - ஒரு வழக்கு என்றால் அதற்கு ஒரே ஒரு தீர்ப்பு தான் இருக்க முடியும். ஆனால் இரண்டு வழக்கறிஞர்கள் வாதாடுவார்கள். இவர்களில் ஒருவர் தவறானவர் அல்லவா? ஆனால் இதை நீதிமன்றம் அனுமதிக்கிறது. இதுதான் சட்டத்தின் பெரிய ஓட்டை. இதை வைத்துக் கொண்டு நீதிமன்றம் எப்படிச் சரியாக நீதி வழங்க முடியும்? இந்த வழக்கை விசாரிக்கும் நீதிபதிக்குத் தெரியும் ஒரு வக்கீல் பொய் சொல்கிறார் என. ஆனால் வழக்கு - விசாரணை டிசைன் இப்படிதான் உள்ளது.

விழுப்புரம் மாவட்டம், திண்டிவனம் தாலுக்கா, கீழ்புதுப்பட்டு கிராமத்தில் உள்ள 2.50 ஏக்கர் நிலத்திற்காக வழக்கு ஏற்பட்டு, திண்டிவனம் மாவட்ட முன்சீஃப் கோர்ட்டு, சென்னை உயர் நீதிமன்றத்தில் விசாரிக்கப்பட்டு வழங்கப்பட்ட தீர்ப்பை பதிவு செய்ய வேண்டுமென மரக்காணம் சார்பதிவாளரிடம் கோரப்பட்டது. ஒரிஜினல் வழக்கு எண் OS. 407/2006 மற்றும் அப்பீல் S.A.15/2012.

அதற்கு சார்பதிவாளர் பதிவுத்துறைச் சட்டத்தின் படி காலம் கடந்து விட்டதால், பதிவு செய்ய முடியாது என நிராகரித்து விட்டார். இது தொடர்பான வழக்கு மீண்டும் சென்னை உயர் நீதிமன்றத்தில் தாக்கலாகி, நீதிபதி ஆர்.சுரேஷ்குமார் வழங்கிய தீர்ப்பில் - நீதிமன்ற தீர்ப்புகளைப் பதிவு செய்ய காலவரம்பு இல்லை என்று சொல்லி இருக்கிறார்.

சிவில் வழக்கில் கீழ் கோர்ட்டுகள், உயர் நீதிமன்றங்கள், உச்ச நீதிமன்றங்கள் வழக்குகள் போன்றவை நீண்ட காலம் எடுக்க கூடியவை என்பவை பலருக்கும் தெரிந்த ஒன்று. ஆனால் இவைகளை எல்லாம் மறுத்து விட்டு, யாருக்கோ நன்மை செய்யும் போக்கில் மரக்காணம் சார்பதிவாளர் - நீதிமன்ற ஆவணப்பதிவை மறுத்திருப்பது சட்ட விரோதம்.

உண்மையில் ஆவணப்பதிவுகளை முன்பு நீதிமன்றங்கள் செய்து வந்தன. காலப் போக்கில் நிர்வாக வசதிக்காக பதிவு அலுவலகங்கள் உருவாக்கி, பத்திரப்பதிவுகள் தனியாக்கப்பட்டன. ஆனால் பத்திரப்பதிவாளர்கள் நீதிபதிகள் ஆக மாட்டார்கள். நீதிமன்றம் மட்டுமே சிவில் வழக்குகளில் தீர்ப்பு வழங்க முடியும். அந்தத் தீர்ப்புகளைப் பதிவு செய்ய வேண்டியது மட்டுமே சார்பதிவாளர்கள் பணி என்பதை அவர்கள் எதற்காகவோ மறந்து போய் விடுகிறார்கள்.

உயர் நீதிமன்ற நீதிபதி மிகச் சரியான சம்மட்டி அடி தீர்ப்பினை வழங்கி இருக்கிறார். கீழே நீதிமன்றத் தீர்ப்பு இருக்கிறது. படித்துக் கொள்ளவும்.

ஆகவே நீதிமன்றத் தீர்ப்புகளை பதிவுத் துறையில் பதிவு செய்ய கால நேரம் என்கிற கட்டாயமில்லை என்று அறிந்து கொள்க.










Tuesday, December 13, 2022

நிலம் (103) - புதுச்சேரி மாமல்லபுரம் விரைவுசாலைக்காக 22 கிராமங்களின் நிலமெடுப்பு விபரம்

அன்பு நண்பர்களே,

சென்னை அருகில் புதுச்சேரி - மாமல்லபுரம் விரைவுச்சாலை அகலப்படுத்துதலுக்காக இருபத்திரண்டு கிராமங்களில் நிலமெடுக்க அரசு ஆணை பிறப்பித்திருக்கிறது. நில உரிமையாளர்களுக்கும், அப்பகுதியில் நிலம் வாங்க விரும்புவர்களுக்கும் உதவியாக இருக்கும் என்ற நினைப்பில் செய்திதாளில் வந்த நிலமெடுப்பு விவரங்களைப் பதிவிட்டு இருக்கிறேன். பயன்படுத்திக் கொள்ளுங்கள்.

நிலத்தின் உரிமையாளர்களுக்கு அரசு அதிக அளவில் இழப்பீட்டு தொகை வழங்குகிறது. அதுபற்றிய விபரங்களையும், சட்டங்களையும் நன்கு படித்து விட்டு, இழப்பீட்டுத் தொகை கணக்கீட்டின் போது துல்லியமாக கணக்கிட்டு இழப்பீட்டைப் பெற்றுக் கொள்ளுங்கள். அதுமட்டுமின்றி இந்தக் கிராமங்களில் இருக்கும் சர்வே நம்பர்களில் உள்ள நிலங்களின் தற்போதைய உரிமையாளர்கள் பட்டா மாற்றம் செய்யாமல் இருப்பின் மாற்றம் செய்து கொள்ளுங்கள். அரசு பழைய பட்டாக்களின் படி நிலமெடுப்பதற்கான அறிவிப்பாணையை அனுப்பும் என்பதை மறந்து விடாதீர்கள்.

வாழ்க வளமுடன்.





Monday, December 12, 2022

நிலம் (102) - வெளிநாட்டு மக்களின் சொத்துக்கள் நூதன திருட்டு

யாரோ ஒருவர் தன் நலத்துக்காகச் செய்யும் செயல், ஏதோ ஒரு குடும்பத்தையே சீரழித்து விடுகிறது. ஒரு நீதிபதி வழங்கும் தீர்ப்பு சரியில்லை எனில் ஒரு நபர் மட்டும் பாதிப்பதில்லை - குடும்பமே பாதிப்படைந்து சீரழிந்து விடும். கோர்ட்டை நன்கு பயன்படுத்த தெரிந்தவர்களுக்கு சாமானியன் ஒருவனின் சொத்தினை எளிதில் திருடி விடலாம். 

இந்திய அரசியலமைப்புச் சட்டத்தில் - சொத்துரிமை சட்டங்கள் அவ்வளவு குழப்பமானவை. அதுமட்டுமின்றி நயவஞ்சக முறையில், நரித்தனமான வக்கீல் ஒருவரின் வாதத்தால் சட்டம் கேள்விக்குறி ஆக்கப்படும் பல்வேறு சம்பவங்களை நாமெல்லாம் பார்த்து வந்திருக்கிறோம்.

அனுபோகப் பாத்தியம் என்றொரு விதி உள்ளது அல்லவா? இது சட்டம் எனில் அதுவே அறமாகும் அல்லவா? 

உங்கள் மனசாட்சியைத் தொட்டு, எனது இந்தக் கேள்விக்குப் பதிலை நீங்களே சொல்லுங்கள் பார்ப்போம். 

இன்றைக்கு உத்திரப்பிரதேசத்தில் ராமருக்கு கோவில் கட்டும் இடத்தின் 800 ஆண்டுகால உரிமை மசூதிக்கு இருக்கிறது அல்லவா? 800 ஆண்டுகால மசூதியை இடித்து விட்டு ராமர் கோவில் கட்ட கோர்ட் அனுமதி கொடுத்திருக்கிறது. இது சரியா? அவ்வளவுதான் என் கேள்வி. இந்தக் கேள்விக்கு சார்பற்ற நிலையில் இருந்து சட்டமே மேல் என்ற அறிவின் மூலம் பதிலைத் தேடிப்பாருங்கள்.

எனக்கு மதம், மொழி, இனம் ஆகியவற்றில் அதீத ஈடுபாடு இல்லை. ஏனென்றால் என் பிறப்புக்கு முன்பே மனிதர்கள் இவைகளுக்கு அடிமைகளாய் இருக்கின்றனர். அந்த வகையில் நானொரு அடிமை வம்சத்தில் பிறந்தவனே. மதமும், மொழியும், இனமும் மனிதர்களை அடிமைப்படுத்தும் மாய வலை என்பதை புரிதல் உள்ளவர்களால் மட்டுமே புரிந்து கொள்ள முடியும்.

இப்போது திருட்டுக்கு வரலாம்.

சமீபத்தில் என்னிடம் சொத்துரிமை ஆய்வுக்கு வந்த ஆவணங்களில் இருந்த அட்ஜுடிகேசன் ஆவணத்தைப் பார்த்த போது - அதன் தன்மை எனக்கு சரியாகப்படவில்லை. வெளிநாடு வாழ் தமிழர் ஒருவர் தன் சொத்தினை விற்பதற்கு எழுதிக் கொடுக்கும் பொது அதிகார முகவர் பத்திரத்தினை, பதிவு அலுவலகத்தின் அட்ஜுடிகேசன் செய்து பதிவு செய்வர். 

சந்தேகம் வந்து விட்டால் எனக்குத் தூக்கம் வராது. இந்த நிலத்தை வாங்குபவரிடம் எந்தத் தகவலையும் தெரிவிக்காமல் இடத்தின் லொகேசன் கேட்டேன். அனுப்பி வைத்தார். மறுநாள் சென்று விட்டேன்.  எனது வழியில் விசாரித்து அந்த நில உரிமையாளரைப் பிடித்தேன். 

நிலம் விற்பனை செய்வதாகக் கேள்விப்பட்டேன் என்று ஆரம்பித்த போது, அவர் விற்பனை செய்ய விரும்பவில்லை என்பதை அறிந்தேன். புரபைலில் அவரின் போட்டோ பார்த்து அதிர்ந்தேன். இந்தப் போட்டோவில் இருந்ததும், புரபைல் போட்டோவும் வேறு. 

முற்றிலும் போகசாக தயாரிக்கப்பட்ட அட்ஜுடிகேசன் பத்திரம் அது. அதுமட்டுமல்ல இரண்டு பத்திரங்கள் ஆனவுடன், அந்த இடத்தில் வெளி நாட்டு நபரின் பெயரும், போலிப்பத்திரங்கள் செய்தவர்களின் பெயரும் கூட்டாக இருக்கின்றன. ஆன்லைனில் பார்க்கும் போது நம் பெயர் இருக்கிறது என்று நம்பிக் கொள்ள வேண்டியதுதான்.

சம்பவத்தை எழுதி விட்டேன். 

இந்தச் சொத்தினை வாங்க வேண்டாமென்று சொல்லி விட்டேன். ஏன் என்று கேட்டார் வாடிக்கையாளர் - மோசடிப்பத்திரங்கள் என்று மட்டும் சொல்லி விட்டேன். பிறகு என்ன ஆனதோ தெரியவில்லை.

ஆகவே, வெளி நாடு வாழ் தமிழர்களே, உங்கள் சொத்துக்கள் மீது கொஞ்சம் கவனம் கொள்ளுங்கள்.

* * *

உங்கள் மனதில் சஞ்சலமா? துன்பத்தில் இருக்கின்றீர்களா? எதைச் செய்தாலும் முடிவு தவறாகவே இருக்கிறதா? 

எனது வாழ்க்கையில் நான் பெற்ற துன்பங்கள் - அதில் நான் பெற்ற வெற்றிகள் பற்றிய அனுபங்களைச் சுவாரசியமாக எழுதி அமேசான் கிண்டிலிலும், டிஜிட்டல் புத்தகமாக வெளியிட்டு இருக்கிறேன். உங்களுக்கு வழிகாட்டும் தோழனாக இருக்கும் என நம்பிக்கை உண்டு.

. டிஜிட்டல் புத்தகம் விலை ரூ.120/- விருப்பமுள்ளவர்கள் கீழே இருக்கும் இணைப்பைக் கிளிக் செய்து புத்தகத்தை வாங்கிப் படிக்கலாம்.



Sunday, December 11, 2022

நாசமாகிக் கொண்டிருக்கும் தமிழினப் பெண்கள்

சமூப் பிராணியான மனிதன், எல்லாமும் நிரந்தரமென்று நினைத்துக் கொண்டு இருக்கிறான். இந்தச் சிந்தனையை ஏற்கலாம். அபாயகரமான போக்கு ஒன்று இப்போது பெண்களிடம் திணிக்கப்பட்டு வருகிறது. அது என்னவென்று பார்க்கலாம்.

நாளைக்கு என்னவோ நடக்கட்டும், இன்றைக்கு நான் சந்தோஷமாக இருக்கணும் என நினைப்பது பேராபத்து.

அதுமட்டுமல்ல நவீன சாமியார்கள் தமிழர்களுக்கு வாழ் - அதை இன்றே என்றெல்லாம் சொல்லிக் கொடுக்கிறார்கள். ஆடுகிறார்கள். பாடுகிறார்கள். கொண்டாட்டமாய் வாழுங்கள் என்கிறார்கள். 

இதைப் போன்ற சாமியார்களுக்கு குடும்பமாய் இருப்பது பிடிக்காது. இது அவர்களின் உளப்பான்மை. ஆனால் வெளிக்காட்டமாட்டார்கள். ஆனால் கொஞ்சம் கொஞ்சமாக தன் பேச்சாற்றலால் குடும்ப அமைப்பை நிர்மூலமாக்குவார்கள். அவர்களை ஆசிரத்திற்கு அடிமையாக்குவார்கள். சம்பளமில்லா வேலைக்காரர் ஆக்குவார்கள். இது காலம் காலமாக நடந்து வரும் அபத்தம்.  உலகெங்கும் கிளைகளைத் துவக்குவார்கள். இவர்களை நம்பி ஆசிரம அடிமைகளாக மாறும் நபர்கள், தங்களின் வயதான காலத்தில், உதாசீனப்படுத்துவதை அறிவார்கள். உள்ளே வரும் வரை எல்லாம் கிடைக்கும், வந்த பிறகு எதுவும் கிடைக்காது. இந்த நயவஞ்சக வேலையைக் காலம் கடந்த பின்னர் தான் அறிவர். 

ஏன் இதைச் சொல்கிறேன் என்றால் எனக்கு அனுபவம் இருக்கிறது. அதைப் படிக்க எனது ”கொஞ்ச நேரம் பேசலாமா?” புத்தகத்தை அமேஷானில் வாங்கிப் படித்துப் பாருங்கள். அதிரும் ஆசிரம உண்மைகளை பகிர்ந்து உள்ளேன்.


(அமேசான் கிண்டிலில் படிக்கலாம் - இந்த புத்தகம் உங்களுக்கான வழிகாட்டி)

குடும்பம் சிதைந்தால் குதூகலம். பெண்ணுரிமைப் பேசித் திரியும் பல ஈத்தரைகள் - ஆணாதிக்கம் பற்றிப் பேசுவார்கள். ஆணாதிக்கம் என்பது கொடும் சிறை என்பது போல பேசி மதி மயக்குவார்கள். அவ்வாறு பேசும் ஆண்களின் குறி பெண்ணுடல். குடும்பத்தோடு இருந்தால் முடியாது, தனியால் இருந்தால் ஈசியா மடியும்.

பெண்களுக்கு இண்டிபெண்டன்ஸ் என்ற வாழ்வியல் முறை பல வழிகளில் புகுத்தப்படுகிறது. அவர்கள் அதை நம்புகிறார்கள். விளைவு இண்டிபெண்டட் மதர் என்றொரு கேட்டகரியில் நுழைகிறார்கள். இந்த இண்டிபெண்டட் முறையினால் பெண்கள் செய்யும் சேட்டைகள் பற்றிய ஒரு பதிவு வாட்சப்பில் பகிரப்பட்டது. அதை அப்படியே தருகிறேன். எழுதியவர் யாரென்று தெரியவில்லை. அவருக்கு என் நன்றிகள். அதிர வைக்கும் பெண்களின் மன நிலையினால் அவஸ்தைப் பட போவது அவர்களே என்பதை அறியாமல் தமிழினப் பெண்கள் தன் நிலையை மறந்து போயினர். பரிதாபத்துக்குரியவர்களாகப் பெண்கள் மாறிய கொடுமையைப் படியுங்கள் கீழே.

* * * 

பெண் பிள்ளைகளைப் பெற்ற ஒவ்வொருவரும் படிக்க வேண்டிய அனுபவப் பதிவு. 

கோவையில் ஒரு மேரேஜ் மேட்சிங் சென்டர் நடத்தி வரும் நண்பரிடம் அறிந்த அதிர்ச்சி செய்தி.

இவரது மேரேஜ் சென்டரில் இதை ஆரம்பித்த 14 வருடங்களாக பெற்றோர்களை நேராக வரச்செய்து பதிவு செய்யும் முறையை ரொம்பவும் ஸ்ட்ரிக்டாக வைத்து இருக்கிறார். 

சமயங்களில் பெண், பையன்களையும் நேராக ஆபீஸிற்கு வரச் சொல்லி பேசிப் பார்ப்பேன்.

பெண்கள், பையன்களுக்கு அன்றைக்கிருந்த மனநிலைக்கும், தற்போது இருக்கும் மனநிலைக்கும் தான் எத்தனை வேறுபாடுகள் தெரியுமா.

உதாரணமாக சமீபத்தில் தன் பெண்ணுக்கு வரன் ரிஜிஸ்டர் செய்ய வந்த பெண்ணின் தாயார் சொன்னது இது.

போன மாசம் எங்க பெண்ணுக்கு ஒரு இடம் பார்த்து நிச்சயம் பண்ணினோம். நாலு மாசம் கழிச்சு கல்யாண தேதி குறிச்சிருந்தோம்.

ஃபோன்லே பேசிக்கிட்டதிலே அந்தப் பையன் பேச்சு எங்க பொண்ணுக்கு பிடிக்காம போச்சு. இந்தக் கல்யாணமே வேண்டாம்னுட்டா.

நாங்களும் எவ்வளவோ சொல்லிப் பார்த்தும் முடியாமத்தான் மறுபடி ரிஜிஸ்டர் செய்ய வந்தோம் என்றார்கள் அந்தப் பெற்றோர்.

அந்தப் பையன் அப்படி என்னதான் பேசினாராம்.

வேறொண்ணுமில்லை வீட்டிலே ‘குக்’ இருக்கான்னு எங்க பொண்ணு கேட்டிருக்கா. 

அதுக்கு அந்தப் பையன் குக் இருக்கு. ஆனா அவ லீவு போட்டா நீ ஏதாவது செய்யறாப்லே இருக்கும்னு சொல்லி இருக்கான். 

அது எங்க பொண்ணுக்குப் பிடிக்கலே. குக் லீவு போட்டா எங்க அம்மா பார்த்துக்கு வாங்கன்னு சொல்ல வேண்டியது தானே. நான் செய்யணும்னு ஏன் எதிர்பார்க்கறான். இன்ன கம்பெனியிலே வேலை பார்த்து இவ்வளவு ஆயிரம் சம்பாதிக்கிறேன். எங்கிட்டேயே இவ்வளவு பேசறான். சமைக்கணுமாம். காஃபி போடணுமாம்னா, பேசாம கிராமத்திலே போய் படிக்காத பெண்ணைப் பார்க்க வேண்டியதுதானேன்னு கேட்கறா. 

அவ சொல்றதும் எங்களுக்கும் நியாயமா படுது என்று தன் பெண்ணின் மனநிலை தெரிந்தும் விட்டுக் கொடுக்காமல் பேசினார் அந்த அம்மா.

அடுத்து ஃபைல் பார்க்க வந்த பெண்ணுக்கு வயது 32 இருக்கும். நீங்க கொடுத்த அந்த ஜாதகம் பொருந்தி வந்ததுன்னு அப்பா, அந்தப் பையனோட செல் நம்பர் கொடுத்தார்.

பேசிப் பார்த்தேன். ஆனா சரிப்பட்டு வரமாட்டான்னு தோணுது. மாட்டார் என்பதெல்லாம் இப்போது இல்லை.

என்ன விசயம் என்ற கேட்ட போது, நேத்து நான் மூவி போனேன்னு அவன்கிட்டே சொன்னேன். யார்கூட போனேன்னு கேட்டான். 

இந்த மாதிரி கேட்கக் கூடாதுங்கிற மேனர்ஸ் கூடத் தெரியலே. ஐ வாண்ட் மை ஸ்பேஸ். 

எனக்கு ரொம்ப ப்ராட் மைண்டட் பையன்தான் மேடம் ஒத்து வருவான் என்று வேகமாகப் பேசினாள் அந்தப் பெண்.

இது மட்டுமல்ல. இதுபோல் எத்தனையோ விதமான டயலாக்குகளை நான் கேட்டு வருகிறேன்.

எனக்கு லைஃப்லேயே பிடிக்காத வார்த்தை "காம்ப்ரமைஸ்". நான் எதுக்காக காம்ப்ரமைஸ் பண்ணிக்கணும். அப்படி ஒரு லைஃப் எனக்குத் தேவையே இல்லை என்றாள் ஒரு பெண். 

அவளும் 30 வயதை நெருங்குகிறாள். ஒரு பெற்றோரே வந்து சொன்ன விஷயம் இது. எங்க பொண்ணு அட்ஜஸ்ட்டபிள் டைப் இல்லே. அதை இப்பவே சொல்லிடறோம்.

அதனால பேரண்ட்ஸ் இல்லாத இடமா ஏதாவது இருக்கான்னு பாருங்க அல்லது வெளியூரிலே குடும்பம் இருந்து பையன் மட்டும் இங்கே வேலை பார்க்குற மாதிரி பையன் இருக்கா என்றார்கள்.

இன்னொரு பெற்றோர் ரொம்பத் தெளிவாகச் சொன்னார்கள். எங்க பொண்ணு சமைப்பாள்னு எதிர்பார்க்க வேண்டாம். 

அவளுக்கு காஃபி கலக்க கூடத் தெரியாது. இதைச் சொல்லிடுங்க முதல்ல என்றார்கள்.

எங்க பொண்ணு மூட் வந்தா நல்லாவே குக் பண்ணுவா. அவளுக்கு சமைக்கத் தெரியும். ஆனா சமைக்கப் பிடிக்காது என்று பெருமையாக சொல்லும் பெற்றோர்.

எங்க பொண்ணு ரொம்பவே இன்டிபெண்டண்ட். அவளை யாராவது ஏதாவது கேள்வி கேட்டாலே பிடிக்காது என்று சொல்லும் பெற்றோர்.

எங்க பொண்ணுக்கு கடவுள் நம்பிக்கை சுத்தமா கிடையாது. இதை பையன் வீட்டிலே சொல்லிடுங்க. 

அவங்க விளக்கு கிளக்கு ஏத்தச் சொல்லப் போறாங்க. அப்புறம் மூட் அவுட் ஆயிடுவா என்று தகவல் தரும் பெற்றோர்.

இதையெல்லாம் பார்க்கும் போது திருமணத்தைப் பொறுத்தவரை இன்றைய இளம் பெண்களின் சிந்தனை எவ்வளவு மாறிப் போயிருக்கிறது
என்று புரிந்து கொள்ள முடிகிறது.

வரனுக்காக ரிஜிஸ்டர் செய்துவிட்டுப் போனால் கூட, பையன் வீட்டினர் தான் திரும்ப போன் அடித்துக் கூப்பிட்டு, வரன் ஏதாவது வந்திருக்கா என்று பொறுப்பாக திரும்ப கேட்கிறார்கள். 

பெண் வீட்டினருக்கு நானே போன் போட்டு பேசினால்கூட

பொண்ணு ஃப்ரைடேதான் வருவா. சண்டேதான் பேசணும். சும்மா பேசினா மூட் அவுட் ஆயிடுவா. அப்புறம் இந்த வீக் எண்டே வேஸ்டா போயிடும் என்பார்கள். 

இன்னும் சிலர், நீங்களே என் பொண்ணுகிட்டே பேசி அவ மைண்ட்ல என்ன இருக்குன்னு தெரிஞ்சுக்குங்களேன் என்று சொல்பவர்களும் இருக்கிறார்கள்.

இன்று திருமணம் குறித்த பெண்களின் எதிர்பார்ப்பு டோட்டலாக மாறிவிட்டது.

இவர்தான் இனி நம் வாழ்க்கை. என் சந்தோஷமோ துக்கமோ இவர் கூடத்தான் என்று தன் வருங்காலத் துணையை தன் ‘பாதுகாப்பாக’ நினைக்கும் மனோபாவம் முற்றிலுமாகப் போய் விட்டது.

இன்று லைஃப்ல எனக்குன்னு நான் ஒரு செக்யூரிட்டி ஏற்படுத்திட்டுதான் கல்யாணத்துக்கு ஓ.கே. சொல்வேன் என்று சொல்கிறார்கள் பெண்கள்.

பெரும்பாலான பெண்கள் திருமணத்தைத் தள்ளிப் போடச் சொல்லும் காரணமே, இந்த ‘செக்யூரிடி’தான்.

ஒரு ஃப்ளாட் புக் பண்ணிட்டேன். அதுக்கான கமிட்மெண்ட்ஸ் கொஞ்சம் இருக்கு. என்ன இருந்தாலும் எனக்குன்னு ஒரு செக்யூரிடி வேணும் என்கிறார்கள்.

தவிர இப்போது பல பெண்கள் வேலை, புராஜெக்ட் என்று வெளியூர், வெளிநாடுகளுக்கு போய்விட்டு வருவது சகஜமாகி விட்டது.

அங்குள்ள வாழ்க்கை, வசதி, சுதந்திர மனப்பான்மை இவற்றை அப்படியே பிடித்துக் கொண்டு நம் கலாச்சாரத்திலும் அதை அப்படியே பிரதிபலிக்க வேண்டும் என்று எதிர்பார்க்கிறார்கள்.

தன்னை யாரும் பேச்சில்கூட கட்டுப்படுத்தக்கூடாது என்றும் தாம் சுதந்திரமாக இருக்க எந்த தடையுமே இருக்க  கூடாது என்று நினைக்கிறார்கள்.

உதாரணமாக சினிமாவுக்கு யாருடன் போனே என்று கேட்ட பையனை நிராகரித்த பெண். அப்பாவுடன், அம்மாவுடன், தோழிகளுடன் என்று பதில் சொல்வதை கூட அவர்கள் விரும்புவதில்லை.

சொல்லப் போனால் இப்போதெல்லாம் பெண்ணைப் பெற்ற (ஒரு சில) பெற்றோரின் மனப்பான்மை கூட மாறி விட்டது.

ஐயோ... பொண்ணுக்கு இருபத்தி ஐந்தாச்சே. கல்யாணம் பண்ணிக் கொடுக்கணுமே என்று பெற்றோர் கவலைப்பட்ட காலம் போய்,

இப்போது 29, 30 ஆனாலும் கூட வற்புறுத்த மாட்டேன் என்கிறார்கள். சிலர் இன்னும் ஓரிரு வருடங்கள் பெண் இருந்தால் வீட்டு கமிட்மெண்ட்ஸ் எல்லாம் முடித்துவிட்டு நாமும் கொஞ்சம் வாழ்க்கையை என்ஜாய் பண்ணலாம் என்று பேசாமல் இருந்து விடுகிறார்கள்.

அனைவரையும் சொல்லவில்லை. ஒரு சில பர்சன்டேஜ்தான்.
இன்றைய பெண்களிடம் இது நிச்சயம் ஒரு வெற்றிகரமான திருமணமாக அமையும் என்ற நம்பிக்கை இல்லை.

நல்ல படிப்பு, நல்ல நிறுவனத்தில் வேலை, சுறுசுறுப்பான பையன் இதுபோன்ற அஸ்திவாரங்கள் நன்றாக இருக்கிறது.

என் எதிர்கால மணவாழ்க்கை 40, 50 வயதுகளிலும் சிறப்பாகவே இருக்கும் என்று நினைக்காமல் ‘ஹைட் 2 இன்ச் கூடுதலாக எதிர்பார்க்கிறேன். கலர் கொஞ்சம் பத்தாது’ என்று தான் எடுக்கப் போகும் திரைப்படத்திற்கு ஹீரோ செலக்ட் பண்ணும் பாணியில் கணவரை செலக்ட் பண்ணுவது.

தனக்கு வரப் போகும் கணவர் இந்த மாதிரி நல்ல படிப்பு படித்து, வேலையில் இருக்கிறார். நல்ல ஒழுக்கத்துடன் வளர்க்கப்
பட்டிருக்கிறார் என்றால்

அதற்கு அவரது பெற்றோர்களின் பொறுமை, தியாகம், அன்பு காரணம் என்கிற அடிப்படை உண்மையை மறந்துவிட்ட மாதிரியாய், பேரண்ட்ஸ் கூட இருந்தா சரியா வராது என்று பேசுவது.

இவ்வாறெல்லாம் சிந்தித்து வயசு கூடிக் கொண்டே போய் திருமணம் முடிப்பதால் இவர்கள் வாழ்க்கையில் இழப்பது என்னென்ன தெரியுமா.

பெற்றோருக்கும் வயது ஏறிக்கொண்டே போவதால் அவர்களுக்கும் 70 வயதுக்கு மேல் ஆகி உடல்நலக் குறைவால் அவதிப்படுவது. 

வயது காலத்தில் பெற்றோர் ஆதரவில் சீரும் சிறப்புமாக நடக்க வேண்டிய திருமணத்தை பெற்றோரின் வயோதிகம் அல்லது இழப்பு காரணமாய் தானே நடத்திக் கொள்ள வேண்டிய நிலை.

கருத்தரிக்க வேண்டிய வயது தாண்டி விடுவதால் ஒரு குழந்தையை கண்ணால் பார்க்க

கருத்தரிப்பு மையம், மருத்துவர், மருத்துவப் பரிசோதனை என்று அலைச்சலுக்கு அலைச்சல், மன உளைச்சல், செலவுக்கு செலவு போன்ற துன்பங்களுக்கு ஆளாதல்.

படிக்க வைத்து ஆளாக்கி நிம்மதிப் பெருமூச்சு விட வேண்டிய நேரத்திலிருக்கும் 60+ வயது பெற்றோர்கள் மகளின் திருமணத் தடையால் ஒருவித குற்ற உணர்விற்கு ஆளான மாதிரி உறவினர் நண்பர்களை ஒதுக்கி தனிமைப்பட்டு மன உளைச்சலால் பாதிப்பிற்கு உள்ளாகிறார்கள்.

இதனால் பெற்றோரின் சந்தோஷத்தை, நிம்மதியான வயோதிக வாழ்க்கையை அனுபவிப்பதைப் பார்க்கும் வாய்ப்பையே இந்தப் பெண்கள் இழக்கிறார்கள்.

முதலில் தன்னை முழுமையாக நம்பி, தன் மீது நம்பிக்கை வைத்த குடும்பத்தை, கணவரை நம்பி,

தெய்வபலம் துணை நிற்கும் என்று உறுதியாக நினைத்து 20 - 24 வயதுகளில் திருமணம் செய்து கொள்ளும் பெண்கள் நிச்சயமாக வெற்றிகரமான மணவாழ்க்கை வாழ்வார்கள் என்பதில் சந்தேகமில்லை.

நமது பிள்ளைகளுக்கு நல்ல கருத்துக்களை எடுத்துரைப்போம்.

* * *
குறிப்பு : தமிழினப் பெண்களின் இந்த மன நிலையால் - தமிழர்களின் குடும்ப அமைப்புச் சிதைக்கப்பட்டு விட்டால் முடிவில் தமிழர்களின் வாழ்வியலையும் மொத்தமாக அழித்து விடலாம் என்றொரு சிந்தனை செய்யும் சதிகாரர்கள் தான் இத்தகைய வாழ்வியலுக்குப் பெண்களை பல வழிகளில் பேசியும், எழுதியும் ஈர்க்கிறார்கள் என்றொரு பேச்சு உலா வருகிறது.

Thursday, December 8, 2022

எழுபதாயிரம் கோடி வர்த்தகம் ஆன்லைன் ரம்மி விளையாட்டு - ஆளுநர் ரவியின் ரகசிய சந்திப்பு

பிசினஸ் ஸ்டாண்டர் டிசம்பர் 8, 2022 பத்திரிக்கையில் ஆன்லைன் விளையாட்டில் 2027 ஆண்டில் மதிப்பு எழுபதாயிரம் கோடி ரூபாய் என்று எழுதப்பட்டிருக்கிறது.  2022ம் வருடத்தில் 4500 கோடி ரூபாய் வருமானத்தை ஈட்டி இருக்கிறது கேமிங்க் நிறுவனங்கள். இன்றைய நாள் வரை நான்காயிரம் கோடி மக்கள் ஆன்லைன் கேம் விளையாடுகிறார்கள். இந்த ஆன்லைன் கேமில் 900 கம்பெனிகள் ஈடுபட்டிருக்கின்றன.

இந்தியாவில் இதுவரை ஆன்லைன் ரம்மி - விளையாட்டு கேம்களை இந்தியர்கள் 1,20,000 கோடி அளவுக்கு தரவிரக்கம் செய்துள்ளார்கள். இந்தியர்கள் வாரத்துக்கு சுமாராக 8 மணி நேரம் ஆன்லைன் கேமில் நேரத்தைச் செலவழிக்கின்றார்கள்.

https://www.business-standard.com/article/companies/indian-gaming-worth-2-6-bn-in-fy22-will-grow-four-fold-by-2027-report-122110301132_1.html#:~:text=Country%20has%20507%20million%20gamers%20and%20more%20than%20900%20companies%20in%20the%20sector&text=India's%20gaming%20market%20was%20valued,said%20a%20report%20on%20Thursday.

தமிழகத்தில் இதுவரை 23 நபர்கள் தற்கொலை செய்து கொண்டிருக்கிறார்கள். திமுக அரசு முன்னாள் நீதிபதி சந்துரு தலைமையில் கமிட்டி அமைத்து, ஆய்வறிக்கைப் பெற்றார்கள். அதன் தொடர்ச்சியாக ஆன்லைன் ரம்மி விளையாட்டு தடைச் சட்டத்தை தமிழக சட்டமன்றம் இயற்றி ஆளுநருக்கு அனுப்பி வைத்தது. ஆனால் இதுவரை ஆளு நர் இந்த ஆன்லைன் ரம்மி விளையாட்டு தடைச் சட்டத்துக்கு அனுமதி தராமல் இழுத்தடித்த காரணத்தால் சட்டம் காலாவதி ஆகி இருக்கிறது. இன்னும் எத்தனை தமிழர்கள் தற்கொலை செய்து கொள்ள வேண்டுமென ஆளுநர் எதிர்பார்க்கிறார் என்று தெரியவில்லை. விவசாய சட்டம் எதிர்ப்பின் போது சுமார் 700 விவசாயிகள் கொல்லப்பட்டார்களே அதே போல ஆயிரமாயிரம் தமிழர்கள் தற்கொலை செய்து கொண்டால் தான் ஆன்லைன் ரம்மி தடைச்சட்டத்திற்கு ஆளுநர் ரவி அனுமதி கொடுப்பாரா? 

அதுமட்டுமல்ல ஆன்லைன் ரம்மி விளையாடுங்கள் என்று நடிகர்கள் விளம்பரப்படுத்துகிறார்கள். கொஞ்சம் கூட மனசாட்சியே இல்லாமல் பல நடிகர்கள் ரசிகர்களை அழிக்கும் இந்த கேம்களை விளையாடச் சொல்கிறார்கள். நடிகர்களின் ஒரே நோக்கம் ரசிகனை அழிப்பது மட்டுமே. அயோக்கியத்தனமான - செய் நன்றி அறியா மூடர்கள் இவ்வகை நடிகர்கள். இவர்கள் ஹீரோக்கள் அல்ல - மக்களின் வில்லன்கள்.









இவர்கள் நன்றி மறந்த கயவர்கள். காசுக்காக எதிர்காலத்தில் மனித கறியை விற்கும் விளம்பரங்களிலும் நடிப்பார்கள். தங்களை வாழ வைத்த அப்பாவி ரசிகனை படுகுழிக்குள் தள்ளி விடுகிறோம் என்ற மனசாட்சி இல்லாத சுய நலத்தின் பேய்கள். இவர்களை மக்கள் முற்றிலுமாக புறக்கணிக்க வேண்டும். இவர்களின் திரைப்படங்கள் - நடிக்கும் விளம்பரம் பொருட்கள் ஆகியவைகளை வாங்கக் கூடாது. அவ்வாறு செய்தாலேனும் எதிர்காலச் சந்ததியினருக்கு நன்மை செய்யலாம். மறந்து விட வேண்டும். நாம் தான் துவக்கி வைக்க வேண்டும். இனி இவர்களையும், இவர்களால் விளம்பரப்படுத்தப்படும் நிறுவனங்களின் பொருட்களையும் உதாசீனப்படுத்தி - வாங்காமல் தவிருங்கள். அது ஒன்றே நம்மை வாழ வைத்த இந்த சமூகத்திற்கும் - எதிர்கால இந்தியாவின் புதல்வர்களுக்கும் நாம் செய்யும் நன்மையாக இருக்கும்.

வருடம் எட்டு கோடி ரூபாய் தமிழ் மக்கள் வரிப்பணத்தில் சொகுசு வாழ்க்கை வாழும் - தமிழக அமைச்சரவை முடிவுக்குக் கட்டுப்பட்ட - ஆளுநர் ரவி - ஆன்லைன் கேமிங் நிறுவனக்கூட்டமைப்பினரைச் சந்தித்திருப்பதாக முரசொலியில் செய்தி வெளியாகி இருக்கிறது.

ஆளுநருக்கு என தனிப்பட்ட முன் முடிவுகள் இருக்கக் கூடாது. ஆளு நர் - அமைச்சரவையின் முடிவுக்கு கட்டுப்பட்டவர் எனச் சட்டம் சொல்கிறது. ஆளுநர் ஆவதற்கு எந்த வித தகுதியும் தேவை இல்லை. அவர் மக்களால் தேர்ந்தெடுக்கப்படும் நபரும் அல்ல. 

ஒன்றிய அரசின் பிரதிநிதியாக - ஆளும் ஆட்சிக்கு உதவி செய்வதற்காக நியமிக்கப்படுபவர். 

ஆளுநருக்கு சட்ட மசோதாக்களில் சந்தேகம் வேறு எழுகிறதாம். அதை விளக்கமாகப் பெற்ற பிறகு அனுமதி கொடுப்பாராம் என்றெல்லாம் கதை விட்டுக் கொண்டிருக்கிறார்கள். 

மக்களால் தேர்ந்தெடுக்கப்பட்ட அரசின் பிரதி நிதிகள் சட்டமியற்றினால், கொல்லைப்புறமாக வந்து அமர்ந்து கொண்டு சட்டத்தை நிறைவேற்ற விடமாலும், தமிழக மக்களின் வரிப்பணத்தில் சொகுசு வாழ்க்கை வாழும் ஆளுநர்கள் தன்னிலை மறந்து - தங்களை நியமித்த ஒன்றிய அரசின் கைப்பாவையாக மக்களை உதாசீனப்படுத்தி - மக்கள் நலத்திற்காக உருவாக்கும் சட்டங்களை கிடப்பில் போட்டு - உண்டு கொழுத்திருப்பது எங்கனம் தர்மமாகும்? அறமாகும்? சட்டத்திற்கு உட்படாமல் - தன் இஷ்டத்துக்கு தமிழக மக்களை வஞ்சிக்கும் இந்தப் போக்கு இன்னும் எத்தனை நாள் தான் தொடருமோ?

ஆன்லைன் கேம் கூட்டமைப்பினரை ஆளுநர் சந்தித்த செய்தியைக் கூட பொதுவில் வெளியிடவில்லை என்கிறது முரசொலி. இதனால் ஆளுநருக்கோ அல்லது ஆளுநரை நியமித்த ஒன்றிய அரசின் அதிகார மையங்களுக்கோ தனிப்பட்ட வகையின் நன்மை இருக்கலாலோ என்ற சந்தேகம் எழுவதை தடுக்க முடியவில்லை.

ஆளுநர்களின் தகுதி - அவர்களின் பணி என்னவென்பதை உச்ச நீதிமன்றம் பல முறை மண்டையில் குட்டி இருக்கிறது. ஆனாலும் இன்னும் சரியாகவில்லை என்கிற போது - ஆளுநர் நியமனச் சட்டத்தில் திருத்தம் தேவை என்பது அவசியமாகிறது. 

ஆகவே திமுக அரசு ஆளுநர் நியமனத்திற்கு என தனிப்பட்ட வகையில் சட்டத்திருத்தம் கொண்டு வர - ஒன்றிய பாஜக அரசால்  நியமிக்கப்பட்ட ஆளுநர்களால் பாதிக்கப்பட்ட இதர மாநில மக்களையும் - அரசுகளையும் ஒன்றிணைத்து, அதற்கான முன்னேற்பாடுகளைத் துவங்குதல் அவசியம்.

இனியும் பொறுத்திருந்தால் மக்களின் கோபத்துக்கு ஆளுநர்கள் பதில் சொல்ல வேண்டியிருக்கும் என்ற நிலை உண்டாகி விடுமோ என்ற வருத்தமேற்படுகிறது.

நன்றி - முரசொலி - 08-12-2022 



Wednesday, December 7, 2022

200 கோடி வரிபாக்கி - விஜயபாஸ்கர் மீது நடவடிக்கை இல்லை ஏன்?

இந்திய அரசியலமைப்புச் சட்டத்தின் முன் அனைவரும் சமமல்ல என்பதற்கு அதிமுகவின் முன்னாள் அமைச்சரும், தற்போதைய எம்.எல்.ஏவும் ஆன புதுக்கோட்டை விஜயபாஸ்கர் ஒருவரே சாட்சி. இதற்கு பத்திரிக்கைச் செய்திகளே சாட்சி.

அதிமுக ஆட்சியின் போது சுகாதாரத்துறை அமைச்சராக இருந்த விஜயபாஸ்கர் 2011ம் வருடத்திலிருந்து 2019ம் வருடம் வரை அவரின் வருமானத்தைக் கணக்கிட்டு வருமான வரித்துரை 206 கோடி ரூபாய் வரி விதித்தது. கவனிக்க 206 கோடி வரி என்றால் வருமானம் எவ்வளவு இருக்கும் என நினைத்துப் பாருங்கள்.

03.12.2022ம் தேதியன்று தினத்தந்தியில் வெளியான செய்தியை அப்படியே தருகிறேன். படித்துப் பார்க்கவும்.

தொழிலதிபர் சேகர்ரெட்டி, குட்கா உற்பத்தியாளரிடம் பெறப்பட்ட தொகை உள்ளிட்ட சுமார் 339 கோடி ரூபாய் வருமானத்தை முன்னாள் அமைச்சர் சி.விஜயபாஸ்கர் மறைத்துள்ளதாக வருமான வரித்துறை ஐகோர்ட்டில் தாக்கல் செய்துள்ள பதில் மனுவில் கூறியுள்ளது. 

வங்கி கணக்குகள் முடக்கம் அ.தி.மு.க., ஆட்சி காலத்தில் சுகாதாரத்துறை அமைச்சராக இருந்த சி.விஜயபாஸ்கரின் வீடு உள்ளிட்ட இடங்களில் நடத்திய சோதனையின்படி, 2011-12-ம் நிதியாண்டு முதல் 2018-19-ம் நிதியாண்டு வரையிலான காலகட்டத்தில் அவரது வருமானத்தை நிர்ணயம் செய்து, அவருக்கு ரூ.206.42 கோடி வருமான வரி விதிக்கப்பட்டது.

இந்த வரியை விஜயபாஸ்கர் செலுத்தாததால், அவருக்கு சொந்தமான 117.46 ஏக்கர் நிலம், 4 வங்கி கணக்குகளை வருமான வரித்துறையினர் முடக்கினர். இதை எதிர்த்து சென்னை ஐகோர்ட்டில், விஜயபாஸ்கர் தொடர்ந்த வழக்கிற்கு வருமான வரித்துறை தாக்கல் செய்துள்ள பதில் மனு தாக்கல் செய்தது. 

அந்த மனுவில் கூறப்பட்டுள்ள கூடுதல் தகவல்கள் தற்போது வெளியாகி உள்ளது. அதில் கூறியிருப்பதாவது:- குவாரி வருமானம் மறைப்பு விஜயபாஸ்கரின் வீடு உள்ளிட்ட இடங்களில் கடந்த 2017-ம் ஆண்டு ஏப்ரல் மாதம் 7-ந்தேதி நடந்த சோதனையில் கிடைத்த ஆவணங்கள் மூலம் மிகப்பெரிய அளவில் அவர் வரி ஏய்ப்பு செய்துள்ளது தெரிய வந்துள்ளது. 

அவருடைய குவாரியில் 2011-ம் ஆண்டு முதல் 2019-ம் ஆண்டு வரையிலான காலக்கட்டத்தில் ரூ.66 கோடியே 49 லட்சத்து 84 ஆயிரத்து 945 செலவு செய்யப்பட்டுள்ளது. அந்த குவாரியில் இருந்து வருமானமாக ரூ.122 கோடியே 58 லட்சத்து 8 ஆயிரத்து 41 கிடைத்துள்ளது. இந்த விவரங்களை விஜயபாஸ்கர் மறைத்துள்ளார். 

இதுதவிர சேகர் ரெட்டி பங்குதாரராக உள்ள எஸ்.ஆர்.எஸ்., மைனிங் நிறுவனத்திடமிருந்து கடந்த 2015-ம் ஆண்டு முதல் 2018-ம் ஆண்டு வரையிலான காலக்கட்டத்தில், ரூ.85 கோடியே 45 லட்சத்து 75 ஆயிரத்து 765 பெற்றுள்ளார். 

குட்கா பணம் இதே காலகட்டத்தில் பான் மசாலா குட்கா உற்பத்தியாளர்களிடமிருந்து ரூ.2 கோடியே 40 லட்சம் பெற்றுள்ளார். முன்னாள் முதல்-அமைச்சராக எடப்பாடி பழனிசாமி கடந்த 2017-ம் ஆண்டு முதல்-அமைச்சராக பொறுப்பேற்றபோது அவரது ஆதரவு எம்.எல்.ஏ. க்கள் கூவத்தூரில் உள்ள தனியார் ரிசார்ட்டில் தங்க வைக்கப்பட்டனர். இதற்கான வாடகை கட்டணமாக ரூ.30 லட்சத்து 90 ஆயிரத்தை விஜயபாஸ்கர் வழங்கியுள்ளார். 

அதேபோல ஆர்.கே.நகர் தொகுதி இடைத்தேர்தலின்போது வாக்காளர்களுக்கு பணப்பட்டுவாடா செய்ய பதுக்கி வைக்கப்பட்ட தொகை கண்டறியப்பட்டுள்ளது. அதாவது, விஜயபாஸ்கரின் ஆதரவாளரான நயினார் முகமது என்பவரது வீட்டில் ரூ.2 கோடியே 94 லட்சத்து 88 ஆயிரம் பறிமுதல் செய்யப்பட்டது. இந்த தொகையுடன் சேர்த்து விஜயபாஸ்கரிடம் ரூ.15 கோடியே 46 லட்சத்து 8 ஆயிரமும் பறிமுதல் செய்யப்பட்டது. 

ரூ.339 கோடி விஜயபாஸ்கரின் சென்னை மற்றும் புதுக்கோட்டை வீடுகளில் இருந்து ரூ.25 லட்சத்து 8 ஆயிரத்து 350 பறிமுதல் செய்யப்பட்டது. ஆக மொத்தம் அவருக்கு கிடைத்த வருமானம் மற்றும் குவாரி மூலமாக கிடைத்த வரவு-செலவு இனங்கள் மூலமாக கடந்த 2011-ம் ஆண்டு முதல் 2019-ம் ஆண்டு வரை சுமார் 339 கோடி ரூபாய் வருமானத்தை மறைத்துள்ளது தெரிய வந்துள்ளது. 

இதன்காரணமாக அவர் செலுத்த வேண்டிய வருமான வரி ரூ.206.42 கோடி வரிபாக்கிக்காகவே அவருடைய சொத்துக்களும், வங்கி கணக்குகளும் முடக்கி வைக்கப்பட்டுள்ளது. இவ்வாறு அதில் கூறப்பட்டுள்ளது.

நன்றி : தினத்தந்தி

இணைப்பு:

சரி, குட்காவில் ஊழல், குவாரியில் ஊழல், ஓட்டுக்கு லஞ்சப் பணம் என பல்வேறு குற்றங்களைச் செய்த விஜயபாஸ்கரை கைதாவது செய்திருக்கிறார்களா? 

அவர் இன்றும் எம்.எல்.ஏ. 

இந்திய அரசியலமைப்புச் சட்டம் விஜயபாஸ்கரின் காலடியில் கிடக்கிறது. விசாரணை அமைப்புகளும், காவல்துறையும், சி.பி.ஐயும் விஜயபாஸ்கரிடம் மண்டியிட்டுக் கிடக்கின்றன. இந்திய நீதித்துறையோ வாய்மூடி மவுனமாய் இருக்கிறது.

விஜயபாஸ்கர் இந்தியாவின் முன்மாதிரி அரசியல்வாதியாகத் திகழ்கிறார் என்பதில் யாருக்கேனும் மாற்றுக் கருத்து இருக்காது என நினைக்கிறேன்.

இணையத்தில் இருந்து எப்போதேனும் நீக்கி விட முடியும் என்பதால் ஸ்கீரீன் ஷாட் இத்துடன்.




Saturday, November 26, 2022

மதம் மாறியவர்களுக்கு இட ஒதுக்கீடு கிடையாது - மனிதாபிமானம் அற்ற சிந்தனை

உலகின் மக்கள் தொகை 800 கோடியாம். அதில் 799 கோடி தீயவர்களிடமிருந்து ஒரே ஒரு கோடி கூட இல்லாத நல்லவர்கள் என்ற சிறுபான்மையினரைக் காக்க மீதமுள்ள 799 கோடி தீய எண்ணமுடையவர்களிடம் கொடுக்கப்பட்டிருப்பதுதான் ஒவ்வொரு நாட்டின் அரசியல் அமைப்புச் சட்டம். இக்கருத்து தவறு என எவரால் மறுக்க முடியும்?

எத்தனையோ கடவுள் இருக்கின்றனர். எத்தனையோ மதங்கள் இருக்கின்றன. இருந்தும் மனிதன் திருந்தி விட்டானா? இன்றைக்கும் அதிகாரத்துக்கும், பேராசைக்கும் ஒவ்வொரு தனி மனிதனும், தனக்கென தனி சட்டம் வைத்திருக்கின்றானே? இல்லையென்று உங்களால் மறுக்க முடியுமா?

கேரளாவில் முஸ்லீம்களும், கிறிஸ்துவர்களும் அதிகமாயிருப்பதன் காரணமென்ன என்ற எனது பதிவினைக் கீழே படியுங்கள். 

கேரளாவில் நடந்த தீண்டாமைக் கொடுமைகள்

படித்து விட்டீர்களா?

தெருவில் நடக்கக் கூடாது, கோவிலுக்குள் செல்லக்கூடாது, மார்புக்கும் மேலே உடையும் உடுத்தக் கூடாது, செருப்பு போடக்கூடாது, குளத்தில் குளிக்க கூடாது இப்படி மேல் சாதி என்றுச் சொல்லிச் சொல்லி மக்களை தன்மானத்துடன் வாழ விடாமல் அதிகாரத்துடன் சேர்ந்து கொண்டு அக்கிரமங்கள் செய்த காலத்தில், முஸ்லிம் மதத்திலோ, கிறிஸ்தவ மதத்திலோ சேர்ந்தாலாவது நம்மை மதிப்பார்கள் என்ற நோக்குடன் மதம் மாறியவர்களுக்கு, படிக்க வேலைவாய்ப்பில் இட ஒதுக்கீடு கிடையாது என்றுச் சொல்வது எவ்வளவு கொடூரம்? 

பார் புகழும் (??) பிரதமர் மோடி அரசு இப்படித்தான் உச்ச நீதிமன்றத்தில் அபிடவிட் தாக்கல் செய்திருக்கிறது.

தன்மானத்துடன் வாழவும் விடமாட்டோம், மானங்கெட்ட வாழ்க்கையைத்தான் வாழ விடுவோம், வேறு வழி இல்லையென்று மதம் மாறினாலும் முன்னேற விடமாட்டோம் என்றுச் சொல்லும் அரசின் பதில் மனிதாபிமானம் அற்ற கொடுஞ்செயல் என்பதை சொல்லவும் வேண்டுமோ?

ஒரு பொய்யனால் தினமணியில் ஆ.ராசா என்பவர் முன்னேறி விட்டாராம். ஆகையால் அவர்களுக்கு இட ஓதுக்கீடு கூடாதாம் என்று எழுதப்பட்ட கட்டுரையினைப் படித்த போது, உயர் சாதியினரின் வன்மன் எத்தகையது என்று புரிந்து கொள்ளமுடிகிறது. 

பார்ப்பனியத்தின் மாயையினால் கீழ் சாதியினர் என்று அவர்களால் விழிக்கப்படும் சூத்திரர்கள் மதிகெட்டு, அறிவழிந்து, தன்னிலை அற்று, அடிமைகள் போல அவர்களின் பொய்களுக்குக் கட்டுப்பட்டு சேவகம் செய்து வரும் கொடுமைகள் இன்னும் எத்தனை நாளைக்குத்தான் நடக்குமோ தெரியவில்லை.

உயர் ஜாதியினரால் நிர்வகிக்கப்படும், உலகத்தின் ஒப்புயர்வற்ற தலைவரைக் கொன்றதாக வரலாறு சொல்லும் இயக்கத்தின் சார்பு கொண்டு ஒன்றிய அரசின் இந்த வகையிலான பதில்கள், சமீபத்தில் ஜெனீவாவில் நடத்தப்பட்ட மனித உரிமை கூட்டத்திற்கு எதிரானது அல்லவா?

சமூக வேறுபாடுகளை முன்னிறுத்தி, மக்களைப் பிளவுபடுத்தி, தன் அரசியலுக்குப் பயன்படுத்துவர்களை சட்டம் மன்னிக்காது என்றெல்லாம் செய்திகளை வெளியிடுகிறார்கள் பார்ப்பனீய உயர் சாதி பத்திரிக்கைகள்.

சமூக வேறுபாடுகளை அரசிடம் கொண்டு சேர்க்க போராடாமல் என்ன தான் செய்வதாம்? அவ்வாறு செய்தால் சட்டம் மன்னிக்காதாம் இப்படியெல்லாம் போராடுபவர்களை ஒடுக்கி அழித்துக் கொண்டிருக்கிறார்கள் உயர் சாதியினர்.

இன்றைக்கும் சாதிய வேறுபாடுகளால் தன் மானம் இழந்தவர்கள் மட்டுமே, மதம் மாறிக் கொண்டிருக்கிறார்கள். கோவிலுக்குள் பூசை செய்ய அனுமதிக்காத சட்டம், சமூக வேறுபாடுகளைப் பற்றிப் பேசுகிறது என்பது காலத்தின் கொடுமை.

தன் மானத்துடன் வாழவும் விடமாட்டோம், சாகவும் விடமாட்டோம் என்கிறார்களா ஒன்றிய அரசினர்? அதை நீதிமன்றங்களும் ஏற்றுக் கொள்கின்றனவா?

உயர் ஜாதி எனச் சொல்லிக் கொள்ளும் திருடர்களின் வசம் சிக்கி இருக்கும் இந்தியாவை இனி மீண்டும் ஒரு சுதந்திரப் போராட்டம் நடத்திதான் மீட்க வேண்டும். அதுவரை இந்தியாவை கொஞ்சம் கொஞ்சமாக சீரழிப்பார்கள். இதோ கீழே இருக்கும் ஒரு செய்தியே சான்று. 

இந்தியாவின் ஜன நாயக அமைப்பான தேர்தல் கமிஷன், இன்று உச்ச நீதிமன்றத்தால் கேலிக்கைப் பொருளாகி நிற்கிறது. ஒன்றிய அரசு உச்ச நீதிமன்றத்தை, “வாயை மூடி இருக்கவும்” என்றுச் சொல்கிறது. ஆதாரம் கீழே. இந்தியாவின் ஒவ்வொரு அமைப்பும் அழிக்கப்படுகிறது என்பது  செய்திகள் சொல்லும் உண்மை.


தேர்தல் கமிஷனின் வாக்காளர் பட்டியலில் மோசடிகள் பற்றிய செய்தி. ஏன் இந்த மோசடி என்று யோசித்தீர்கள் என்றால், தேர்தல் கமிஷன் தேர்தலை ஒரு மா நிலத்தில் கூட நான்கு ஐந்து தேதிகளில் நடத்துகிறது அல்லவா? ஒவ்வொரு நாளிலும் கள்ள ஓட்டுப் போடவைக்க இப்படி ஒரு திட்டம். தேர்தல் கமிஷன் ஏன் ஒரே மாநில தேர்தலுக்கு பல தேதிகளை வெளியிடுகிறது என்று புரிகிறதா? விஷயம் ஓட்டு மெஷினிலும் வாக்காளர் பட்டியலிலும் இருக்கின்றன. ஆகவே இதர கட்சிகள் வாக்காளர் பட்டியலைச் சரிபார்ப்பது அவசியம். 

உச்ச நீதிமன்றத்தை வாயை மூடிக் கொண்டிரு  என மிரட்டும் செய்தி

ஆதாரமின்றி எதையும் எழுதுவதுமில்லை, பேசுவதும் இல்லை. மேலே இருக்கும் செய்திகளை தொடர்புடைய இணையதளங்களில் தேடிப் படித்துக் கொள்ளுங்கள். 

மூழ்கப் போகிறதா இந்தியாவின் பொருளாதாரம்?

உலகப் பொருளாதாரத்தில் இன்றைக்கும் முதலிடத்தில் இருப்பது சீனாவும், ஜப்பானும். ஏனெனில் அவர்களின் பொருளாதாரக் கான்செப்ட் வித்தியாசமானது. ஆனால் அதுதான் சரியானதும் கூட என்னைப் பொறுத்தவரை.

ஒவ்வொரு ஆண்டு ஜி.டி.பிக்கு ஏற்ப பணம் உருவாக்கி வெளியில் விடும், ஒன்றிய அரசுக்கு மீண்டும் அப்பணம் திரும்பி வந்து விட்டால், அந்த பணத்தின் மதிப்பு சுழியம் அதாவது ஜீரோ என்பது பொருளாதாரத்தில் ஊறிய புலிகளுக்குத் தெரியும்.

நமது ஒன்றியத்தின் பிரதமர், இந்தியாவின் வரலாறு மாற்றி எழுதப்பட வேண்டுமென்று சொல்லி இருக்கிறார். 

ஏன்? அதனால் என்ன பயன்? வரலாறை ஏன் மாற்றி எழுத வேண்டும்? அப்படி எழுதினால் மக்களுக்கு ஏதும் நன்மை வருமா? நாட்டின் பொருளாதாரம் ஏற்றம் பெருமா? ஏழைகள் பணக்காரர்கள் ஆவார்களா? பணக்காரர்கள் உலகப் பணக்காரர்கள் ஆவார்களா?

இப்படி எதுவுவே நடக்காது. பின்னர் வரலாற்றை ஏன் மாற்ற வேண்டும்? 18ம் நூற்றாண்டில் இந்தியாவே இல்லை. நாடு பிடிக்கும் மன்னர்கள் இருந்த காலத்தின் வரலாற்றை மாற்றி எழுதி என்ன ஆகப் போகுது?  மொகலாயர்களுக்கு எதிராகப் போராடினார்களாம்? அவர்களை வரலாற்றில் எழுதவில்லையாம். ஆமாம் போராடி இருப்பார்கள் தான். மொகலாயர்கள் நாடு பிடிக்க வந்தவர்கள். இங்கிருந்தவர்கள் போராடி இருப்பார்கள். அதில் என்ன அதிசயம் இருக்கிறது?

ஆனால் நயவஞ்சகமாக ஆங்கிலேயர்கள் அல்லவா இந்தியாவை ஆக்கிரமித்து, இன்றைய இந்திய அரசியலமைப்புச் சட்டத்தினை உருவாக்கியவர்கள். அவர்களைப் பற்றி ஒரு வார்த்தையும் பேசவில்லை பிரதமர். அவர் மொகலாயர்களைப் பற்றிப் பேசுகிறார். ஏன்? உலகையே தன் ஆளுமைக்குள் வைத்திருந்த ஆங்கிலேயர்கள் மொகலாயர்களை விட கொடுங்கோலாட்சி நடத்தியவர்கள். ஒரு வார்த்தை இல்லை. ஏனோ?

வேறென்னவாக இருக்க முடியும்? நீங்களே யோசித்துக் கொள்ளுங்கள்.

இதோ பிரதமர் பேசிய செய்தி கீழே...!


”சுதந்திரத்திற்குப் பிறகு நம்மை அடிமைப்படுத்திய அன்னியர்கள்” என்று யாரைச் சொல்கிறார் என்று தெரியவில்லை. இந்தியா சுதந்திரம் அடைந்த பின்னால், இந்தியர்கள் தான் இந்தியாவினை ஆண்டனர். அன்னியர்கள் என்று யாரைக் குறிப்பிடுகிறார் என்பது அவருக்கே வெளிச்சம்.

”நினைவிற்கு எட்டாத காலத்திலிருந்து நமது தேசம் ஞானிகளாலும், துறவிகளாலும் வழி நடத்தப்படுகிறது” என்கிறார் பிரதமர். இன்றைய இந்தியதேசம் ஆங்கிலேயர்களால் கட்டமைக்கப்பட்டது. 

எந்த துறவியும், ஞானியும் அரசியலுக்கு வரவே இல்லை. அவரவர் கடமைகளைச் செய்தனர். காவி போர்த்திக் கொண்டு கொலைகள் செய்தவர்கள் வாழும் இந்த நாள் போல அந்தக் கால ஞானிகள் இருந்ததில்லை என்பது வரலாறு சொல்கிறது.

சரி, பிரதமர் பேசினால் கேட்டுக் கொள்ளத்தான் வேண்டும். அவர் நம் பிரதமர். ஆகவே கேட்டுக் கொள்வோம். ஆனாலும் மனதுக்குள் எழக்கூடிய கேள்விகளை கேட்கத்தான் செய்ய வேண்டும். ஒரு பக்கம் இருக்கட்டும்.

கீழே இருக்கும் செய்தியைப் படியுங்கள். இனி வடையின் விலை ரூ.200 ஆகும் என்பதில் யாருக்கேனும் சந்தேகம் இருப்பின் துடைத்து விடுங்கள். காதில் தேன் வந்து பாயட்டும். வயிற்றில் அணையா பசி நெருப்பு எரிந்து கொண்டே இருக்கும். 

இந்தியர்கள் மீண்டும் ஒரு கொரனாவை விட கொடிய தாக்குதலுக்கு தயாராக வேண்டும். உலகெங்கும் ஐ.டி கம்பெனிகள் வரப்போகும் சீரழிவை எதிர்கொள்ள வேலை ஆட்களைக் குறைக்க ஆரம்பித்திருக்கின்றன என்பது நமக்கான அலாரம். 

அவ்வளவுதான் விஷயம். நாட்டை முன்னேற்ற நல்ல திட்டங்களும், துல்லியமான பொருளாதாரக் கொள்கைகளும் தான் தேவை. வரலாற்றினை மாற்றி எழுவதால் பைசாவுக்குப் பிரயோஜனம் இல்லை.

ஆகவே இந்தியர்கள் இனி வரக்கூடிய காலத்தை எதிர்கொள்ளத் தயாராக வேண்டியது அவசியம்.

மேலதிக தகவல்களுக்கு மூடிஸ் இணையதளத்தினைப் பார்க்கவும். நன்றி காலைமணி.காம்.


Thursday, November 3, 2022

சிதம்பரம் நடராஜர் கோவில் தமிழர் சொத்து

சிதம்பரம் நடராஜர் கோவில் இருப்பது தமிழ் நாட்டில். பராமரிப்பதும், பக்தர்களும் தமிழ் நாடு. ஆனால் கோவிலில் தமிழில் இறைவனுக்கு வழிபாடு செய்யக்கூடாது. தமிழுக்கு தமிழ் நாட்டில் இடமில்லையாம். நிர்வகிக்க அரசுக்கு அனுமதியில்லையாம். இப்படி ஒரு அக்கிரமம் எங்கேனும் இந்த உலகில் நடக்குமா? நடந்திடத்தான் முடியுமா? ஆனாலும் தமிழர்கள் இன்னும் அமைதிகாத்துக் கொண்டிருக்கிறார்கள்.

தமிழ் நாட்டில் தமிழில் இறை வழிபாடு செய்யமுடியாது என்றொரு கோவில். அதுவும் தமிழர்களின் சொத்தில் இருக்கிறது. என்ன ஒரு கொடுமை இது?

மக்கள் ஒன்று திரண்டால், ஒரே நாளில் சிதம்பரம் நடராஜர் கோவில் தமிழர்களின் நிர்வாகத்துக்குள் வந்து விடும் என்பது எல்லோருக்கும் தெரிந்ததே. ஆனால் உச்ச நீதிமன்றத்தின் மாண்பு குலைந்து விடக்கூடாது என்பதற்காக, சட்டத்தை மதிக்க வேண்டுமென்பதற்காக தமிழர்கள் அமைதி காத்து வருகிறார்கள். ஊழல்ராணி ஜெயலலிதா இந்த நிகழ்வு நடக்கும் போது அமைதியாக இருந்தார். அதன் காரணமாக தீட்சிதர்கள் சிறு பெண்குழந்தைகளுக்கு திருமணம் நடத்தி வைக்கும் அளவுக்கு, குற்றச்செயல்கள் செய்திருக்கின்றனர். 

தமிழக அரசு எடுத்திருக்கும் சட்டபூர்வமான நடவடிக்கைகளுக்கு திமுக மற்றும் இதர கட்சிகள் ஆதரவு தெரிவிக்க வேண்டும். மக்கள் ஆதரவு தெரிவிக்க வேண்டும். சிதம்பரம் நடராஜர் கோவில் தமிழர் சொத்து. தமிழர்கள் தான் நிர்வகிக்க வேண்டும்.

வாழ்த்துக்கள் முதல்வருக்கும் - அரசுக்கும்.



Friday, October 28, 2022

இந்தி - தமிழ் அரசியல் - பிஜேபியின் பொய்கள்

படத்தைப் பாருங்கள். பொய்யர்கள் எவர் என அவை சொல்லும் உண்மையை உணருங்கள்.


 நன்றி - 28.10.2022 தினமணி

நன்றி : தினக்குரல் பத்திரிக்கை.

கலைஞரின் குறளோவியம் ஒன்று போதும் திமுக தமிழுக்கு என்ன செய்தது என்று எடுத்துக் காட்ட. அவர் கன்னியாகுமரில் வைத்த திருவள்ளுவர் சிலையும், சென்னையில் இருக்கும் திருவள்ளுவர் கோட்டமும் சான்றாய் நிற்கின்றன இன்றளவும். பிஜேபியினருக்கு பேச தகுதியே இல்லை என்று படம் பார்த்துப் புரிந்து கொள்க.

உலக மூத்த மொழியாம் தமிழ் மொழியை ஐ.நா சபையின் அலுவல் மொழியாக்க ஏன் அமித்ஷா அமைச்சரவை முயலவில்லை என்பதை எந்த முதுகெலும்பு இருக்கும் பத்திரிக்கையாளனாவது கேட்பாரா?


டாலருக்கு நிகரான இந்திய ரூபாய் 94

சர்வதேச நாணய நிதியம் (INTERNATIONAL MONITARY FUND) இந்தியாவிற்கு எச்சரிக்கை விடுத்திருக்கிறது. இதே சூழல் தொடருமாயின் 2023ம் வருடம் இந்திய ரூபாயின் டாலருக்கு நிகரான மதிப்பு 94 ரூபாயாக மாறும் என.

காங்கிரஸ் ஆட்சியின் போது இந்திய ரூபாயின் மதிப்புக் குறைய காரணம் ஊழல் எனக் குற்றம் சாட்டினார் நரேந்திர மோடி. இவரின் எட்டாண்டு கால ஆட்சியில் 82 ரூபாயாக மாறியது இந்திய ரூபாய், இதை பிஜேபியின் நவீன ஊழல் என்று கருதலாமா? 

அவர் சொல்லிய கருத்து உண்மையெனில், இந்தியாவில் இதுவரை இல்லாத அளவுக்கு பிஜேபி ஊழல் செய்து கொண்டிருக்கிறது என்பது உண்மை அல்லவா?

பிஜேபி இனியும் காரண காரியங்களைச் சொல்லிக் கொண்டிருக்க முடியாது.  மற்ற மா நிலங்களில் அரசியல் செய்வது போல எதிர்கட்சிகள் மட்டுமல்ல மக்களும் கேள்வி கேட்பார்கள்.

நாங்கள் ஆட்சிக்கு வந்தால் இந்திய ரூபாயின் மதிப்பு உயரும் என்றார் நரேந்திர மோடி. ஏன் உயரவில்லை? ஏன் இன்னும் இந்திய ரூபாயின் மதிப்பு கீழே போய்க் கொண்டிருக்கிறது? ஒரே காரணம் ஆட்சி சரியில்லை என்று தான கருத வேண்டும்.

ஒவ்வொரு மாநிலக் கட்சிகளும் ஏன் பிஜேபிக்கு எதிரான மக்கள் விரோத நடவடிக்கைகளை எதிர்த்துப் போராட்டம் செய்யவில்லை என்பது ஒரு பெரிய கேள்விக் குறி. 

ஜனநாயகத்தின் மீது நம்பிக்கை உடையவர்கள் மட்டுமே பிஜேபிக்கு எதிராக, பிஜேபியின் அறிவிக்கப்படாத எமர்ஜென்சிக்கு எதிராக பேசியும், எழுதியும் வருகின்றார்கள் என்பது வேதனை.

பிஜேபி ஆளாத மாநிலங்களில் ஆளுநர்களை வைத்து மக்கள் நலத்திட்டங்களை செய்ய விடாமல் தடுத்து, அரசியல் செய்து கொண்டிருக்கிறது. மாநிலக் கட்சிகளை அழித்து விட திட்டம் தீட்டிக் கொண்டிருக்கிறது என ஹெச்.டி.குமாரசாமி குற்றம் சாட்டி இருக்கிறார். மாநில ஆளுநர்கள் அதிகாரமற்றவர்கள். அவர்கள் ஆடும் அரசியல் பாஜக ஆளாத மாநில மக்களுக்கு தீமைகளைச் செய்து கொண்டிருக்கிறது. 

வரலாறு எத்தனையோ ஆட்சிகளைப் பதிவு செய்திருக்கிறது. எத்தனையோ ஆளுநர்கள் வந்து சென்றிருக்கின்றார்கள். மக்கள் வரிப்பணத்தில் சம்பளம் வாங்குகிறோம் என்ற நினைப்பு அவர்களுக்கு இருக்குமேயானால், இவ்வகையான அரசியலை அவர்கள் செய்ய மாட்டார்கள். ஆனால் அதிகாரத்துக்கும் மனசாட்சிக்கும் அறத்துக்கும் தர்மத்துக்கு தூரம் அதிகம். பிஜேபிக்கும் தர்மத்துக்கு தொடர்பே இல்லை. 

கடவுள் பிஜேபியைப் பொறுத்து அரசியல். ராமர் கோவிலால் அதிகாரத்துக்கு வந்ததை விட மக்கள் நலன் பற்றி வாய் கூசாமல் பேசுவார்கள். ஆனால் இடிப்பது பெருமாள் கோவில். ராமர் இந்திய மக்களுக்கு நன்மை செய்திருக்கிறாரா என்பதை வரும் காலம் சொல்லும்.

அரசியல் ஒரு பக்கம் இருக்கட்டும்.

இனி இந்தியாவின் நிலை பற்றி பார்ப்போம். 

இந்தியாவின் நடப்புக் கணக்குப் பற்றாக்குறை அதிகரித்துக் கொண்டே வருகிறது. இந்தியாவை விட்டு வெளியேறும் அன்னிய நாட்டு முதலீடுகள் ஒரு பக்கம், பொதுச்சந்தையில் டாலரை விற்பது ஒரு பக்கம், ரிசர்வ் வங்கி அடித்து தள்ளி, புழக்கத்தில் விடும் ரூபாய் நோட்டுகள் என இந்தியா, பொருளாதார சீரழிவுக்குச் சென்று கொண்டிருக்கிறது. ஏற்றுமதிக்கும் இறக்குமதிக்கும் இடையே இருக்கும் வித்தியாசம் தொடர்ந்து அதிகரித்துக் கொண்டே போகிறது. சரி செய்ய முடியாமல் திணறுகிறது மோடி அரசு.

வரும் ஆண்டுகள் இந்தியாவிற்கு பெரும் சவாலாக இருக்கும் என்று பொருளாதார நிபுணர்கள் சொல்லிக் கொண்டிருக்கிறார்கள்.

ஆளும் பிஜேபி அரசு, இந்தியாவின் பொருளாதாரத்தைச் சரி செய்யுமா என்பது கேள்விக் குறி தான். ஏனென்றால் அவர்களுக்கு அரசியல் என்பது இந்து, கடவுள் மட்டுமே. மக்கள் நலன் அல்ல என்பது எட்டாண்டு கால உண்மை.

இந்தியாவின் நிதியமைச்சர் டாலரின் மதிப்பு உயர்வதால் தான் இந்திய ரூபாயின் மதிப்பு குறைகிறது என்றுக் கூசாமல் பொய் சொல்லிக் கொண்டிருக்கிறார். இப்படியெல்லாம் பேச எப்படி மனச்சாட்சி ஒத்துக் கொள்கிறது என்பது இன்னொரு கேள்வி.

பிரதமர் நாடு நாடாக சென்று கொண்டிருக்கிறார். தீவிரவாதத்துக்கு எதிராக செயல்பட வேண்டுமென்கிறார், இந்தியாவின் வளர்ச்சிக்கு உதவிட வேண்டுமென்கிறார். நவீன கட்டமைப்பை மேம்படுத்த வேண்டுமென்கிறார். ஆனால் இந்தியாவின் பொருளாதாரமோ அதல பாதாளத்துக்குச் சென்று கொண்டிருப்பதைப் பற்றி ஒரு வார்த்தை பேசவில்லை. 

ஆளும் பிஜேபி அரசு தான் செய்யும் தவறுகளை வெளிக்கொண்டு வரவிடுவதில்லை. பொய்களைப் பரப்பி மக்களை மாயையில் வைத்துக் கொண்டிருக்கிறது. பொய் பசிக்குச் சோறு போடாது என்பதினை பிஜேபி விரைவில் உணரும் காலம் வரும் என நம்புகிறேன்.

இந்தியாவின் சரியும் பொருளாதாரத்தைச் சரி செய்ய என்னதான் செய்யப்போகிறார் பிரதமர் என்று குழப்பமாக இருக்கிறது. அண்டை நாடுகளான இலங்கை, பாகிஸ்தான் போல இந்தியாவின் சிக்கிக் கொண்டு விடுமோ என்ற பதட்டமும் உண்டாகிறது.

ஏற்றுமதி - இறக்குமதிக்கிடையே ஆன வர்த்தக பற்றாக்குறையை சரி செய்ய என்ன திட்டம் இருக்கிறது என்று தெரியவில்லை.

டாலருக்கு நிகரான இந்திய ரூபாயின் தற்போதைய மதிப்பைக் கணக்கில் கொண்டு ஏற்றுமதியை ஊக்கு விக்க வேண்டும். இதற்கான செயல் திட்டங்கள் என்ன இருக்கிறது என்பதும் தெரியவில்லை.

ரூபாய் நோட்டுக்களை அச்சிட்டு புழக்கத்தில் விடுவதை குறைக்க என்ன திட்டம் இருக்கிறதோ அதுவும் தெரியவில்லை.

வெளியேறிக் கொண்டிருக்கும் அன்னிய முதலீடுகளைத் தடுக்க என்ன விதமான திட்டங்கள் இருக்கின்றன எனவும் தெரியவில்லை.

உயர்ந்து கொண்டே போகும் விலை வாசிகளைக் கட்டுப்படுத்தவும் முயலவில்லை. ஒரே சம்பளம் - ஆனால் உயரும் விலை வாசி என இருந்தால் மக்கள் எங்கனம் வாழ முடியும்? ஆரோக்கிய குறைபாடு உண்டாகும் ஆபத்து வேறு  இருக்கிறது. எகிறும் எரிபொருள் விலை, மக்கள் பயன்படுத்தும் சிலிண்டர் விலையோ விண்ணில் பறக்கும் விமானம் போல உயர்ந்து கொண்டே போகிறது. 

அதானியின் எண்ணெய் விலையோ கட்டுப்படுத்தவே முடியவில்லை. லிட்டர் 74க்கு வாங்கி 290 ரூபாய்க்கு விற்கிறார் அதானி. கேள்வி கேட்கவோ எவரும் இல்லை.

இங்கணம் உயரும் விலைவாசியை அதானியாக நினைத்துக் குறைத்தால் தான் உண்டு. அதற்கும் வழி இருக்கிறதா எனில், அவர் வாங்கிய கடனைக் கட்ட இப்படித்தான் விலை உயர்வாக விற்க வேண்டும். 

கவலைப்பட வேண்டிய மக்களோ கோவில் சாமி தரிசனங்களுக்குச் சென்று கொண்டிருக்கிறார்கள்.

பிஜேபி ஆட்சி இந்தியாவின் கருப்பு நாட்களாகக் கருதப்படும் நிலைக்கு இந்தியா தள்ளப்பட்டிருக்கிறது என்று பல ஜனநாயகவாதிகள் கருதுகின்றார்கள். பல்வேறு கட்டுரைகளும், வீடியோக்களும் இணையத்தில் கிடைக்கின்றன.

வரும் எதிர்காலத்தில் இந்தியாவின் பொருளாதாரம் என்ன ஆகுமோ என்ற பதைபதைப்பு ஏற்படுகிறது. பிஜேபியினால் சரி செய்ய முடியுமா என்று சிந்திக்கும் போது ஆயாசம் தான் எழுகிறது.

அரசியல் மக்களுக்கு நன்மை பயக்கும் வண்ணம் இருக்க வேண்டும். மக்களை சீரழிக்கும் நிலைக்குச் செல்லுமானால், அவ்வண்ணம் கொண்டு செல்பவர்கள் மக்களால் நிராகரிக்கப்பட்டு தண்டிக்கப்பட்டுள்ளனர் என்ற விபரங்கள் வரலாற்றில் பதிந்து கிடக்கின்றன.

மதமும், கோவிலும், மசூதியும், சர்ச்சும், இனமும், சாதியும் பொருளாதாரத்தை உயர்த்துவதில்லை. அவைகள் மனித மனத்தின் மேன்மைக்கானவை. அரசியலுக்கானவை அல்ல. சுவற்றை நோக்கி வீசிய பந்து திரும்ப வரும் காலமா இது என்றும் தெரியவில்லை.

மக்கள் தாங்கள் செலுத்திய ஜனநாயகக் கடனுக்கான(???), தண்டனையை அனுபவித்தாக வேண்டிய நிலையில் இந்தியா இருக்கிறது என்பது எவராலும் மறுக்க முடியாத உண்மை.