குரு வாழ்க ! குருவே துணை !!

Sunday, May 29, 2022

96 வருட பாரம்பரிய விகடனுக்கு முதல்வர் ஸ்டாலினால் தூக்கம் வரவில்லை

உச்சிக் குடுமியை விகடன் நினைத்தாலும் மறைக்க முடிவதில்லை. ஏனென்றால் வித்து அப்படி. தமிழர்களுக்கு விரோதமான செய்திகளை நாசூக்காக வெளியிட்டு வருவதில் விகடனுக்கு நிகர் விகடன் அன்றி வேறு எவருமில்லை. 

இவ்வளவுக்கும் விகடன் டெலிவிஸ்டாஸ் சன் டிவியில் கல்லா கட்டி வருகிறது. வயிறு வளர்ப்பது தமிழர்களின் காசில். செய்வது எல்லாம் தமிழர்களுக்கு துரோகம்.

அப்படி என்ன செய்கிறது விகடன்?

கடந்த ஏழு வருடங்களுக்கு முன்பு பொள்ளாச்சியில் நானும் எனது நண்பரும் ஒரு தென்னை தோப்பு விலைக்கு வாங்கச் சென்றிருந்தோம். சுற்றிப் பார்த்து விட்டு திரும்ப வரும் போது கனிமொழியின் சொத்து, ஏற்கனவே வாங்கி விட்டார் என்றார் எங்களை அழைத்துச் சென்றவர். 

தஞ்சைப் பகுதியில் ஒரு கல்லூரியில் படித்துக் கொண்டிருந்தார் எனது உறவுக்கார பெண். அப்பெண் இந்தக் கல்லூரியையும் கனிமொழி வாங்கி விட்டாராம் என்றார்.

அந்த தோப்பு எனது மனைவியின் பெரியப்பாவின் உறவினருக்கு சொந்தம். இன்றும் அந்த தோப்பு அந்த உறவினரிடமே உள்ளது. அந்தக் கல்லூரியின் முதல்வரிடம் கேட்ட போது சிரித்தார். யார் கல்லூரிக்கு யாரய்யா ஓனர் என.

இப்படித்தான் திமுக ஆட்சிக்கு வந்த உடனே எல்லாச் சொத்துக்களையும் திமுகவும், முதலமைச்சர் ஸ்டாலின் அவர்களின் மருமகன் கம்பெனிகளுக்கு சொத்து வாங்கிக் கொடுத்து கமிஷன் வாங்குகிறார் என்றும், சென்னையில் ஐந்து கோடிக்கு மேல் சொத்து வாங்கினாலே விற்றாலோ கமிஷன் கொடுத்தே ஆக வேண்டுமென்றும் புரளிகளை கிளப்பி விட்டுக் கொண்டிருக்கிறார்கள் பல புரோக்கர்கள் மூலமாக அரசியல் கட்சிகள்.

எங்காவது கொலையோ, கொள்ளையோ, தவறோ நடந்தால் உடனடியாக வந்தேறிகளின் அடிமைகளும்,  முதுகெலும்பில்லா முட்டாள்களும் திமுக ஆட்சி வந்தால் இப்படித்தான் என்றும் விடியல் ஆட்சி என்றும் சோஷியல் மீடியாக்களில் கமெண்டுகளைப் போட்டுக் கொண்டிருக்கிறார்கள் சளைக்காமல். அவர்கள் எல்லோரும் ஃபேஸ்புக், டிவிட்டர் போலி ஹேண்டில்கள்.  ஒரே ஒரு ஆள் ஆயிரக் கணக்கில் போலி அக்கவுண்டுகளை உருவாக்கி போஸ்டுகளுக்கு பணம் வாங்கிக் கொண்டு இவ்வகையான போலிச் செய்திகளையும், வரன்முறை அற்ற வசவுகளையும் பதிவு செய்து கொண்டிருக்கிறான். 

அதிமுக ஆட்சியில் இருந்த போதும் திமுகவை வசைபாடிக் கொண்டிருந்தார்கள். 

இவர்களுக்கும் விகடன் நிறுவனத்துக்கு வேறுபாடு இல்லை. இணையதளத்தில் வெளியான செய்தியைத்தான் இப்போதெல்லாம் விகடன் கட்டுரைகளாக எழுதிக் கொண்டிருக்கிறது. ஏற்கனவே பிரிண்ட் பத்திரிக்கைகள் பலவற்றை மூடி ஆகி விட்டது. வேறு வழி இன்றி ஆங்கிலேயர்களின் மன்னிப்புக் கேட்டுக் கதறிய டேஞ்சர் குற்றவாளி (D - Dangerous Prisoner - Click the link here https://thewire.in/history/bhagat-singh-and-savarkar-a-tale-of-two-petitions) சாவர்கர் பரம்பரை என்பதால் திமுக ஆட்சிக்கு வந்ததும் வயிறு எரிந்து, செத்துப் போன சோவின் நரித்தந்திரம் போல, எங்கிருந்தோ பெறப்பட்ட கொழுத்த நன்மைக்கு மக்களிடம் விஷ விதையைத் தூவ ஆரம்பித்துள்ளது.

இதோ ஆதாரங்கள்:-

இந்த வார ஜூனியர் விகடனின் அட்டைப்படத்தில் (01.06.2022) - தலை நகரில் தொடர் கொலைகள் - கேள்விகுறியாகும் சட்டம் - ஒழுங்கு என வெளியிட்டு வன்மத்தைக் காட்டி இருக்கிறது. தமிழ் நாட்டில் சட்டம் ஒழுங்கு கெட்டுப் போய் விட்டதாம். மக்களிடம் பயத்தை உருவாக்க வேண்டுமாம்.  

பிஜேபியில் முருகன் தலைவராக இருந்த போது ரவுடிகளை கட்சியில் சேர்த்து விட்டதாகவும், அவர்களுக்குள் கொலை செய்து கொள்வதால் நானா பார்க்க முடியும் என்று அடிமை ஆடு புலம்பியதாக இதே பத்திரிக்கையில் செய்தி வெளியிட்டு இருந்தாலும் அட்டைப்படத்தில் சட்டம் ஒழுங்கு கேள்விக்குறியாகும் என்று தமிழகமெங்கும் எங்கு நோக்கினும் கொலைகள் நடப்பது போல எழுதி இருப்பது விகடனின் நரித்தந்திரம்.

இந்த வன்மம் போதாது என்று மிஸ்டர் கழுகு பகுதியில் ஒரு தலைப்பு - ’மோடியின் ரோடு ஷோ - காத்திருந்த ஸ்டாலின்’ என்று எழுதி தன் ஆத்திரத்தை தீர்த்துக் கொண்டிருக்கிறது. அதன் உள்ளே ’முதல்வர் ஸ்டாலினை முந்திக் கொண்டார்கள் பழனிசாமியும், ஆளுநரும்’ என்று ஏதோ வாராது வந்த மாமழை போல மோடி வருவதாகவும், அவரை வரவேற்க போவதில் முதல்வர் ஸ்டாலினுக்கு ஏதோ பின்னடைவு ஏற்பட்டதாகவும், மோடியின் ரோடு ஷோவினால் மோடிக்காக முதல்வர் காத்திருந்ததாகவும் செய்தி வெளியிட்டு உள்ளூர சந்தோஷப்பட்டுக் கொண்டிருக்கிறது.


நாடெங்கும் ராமர் கோவிலுக்கு செங்கல் வேண்டுமென்று கேட்டு ரதயாத்திரை செய்து பிஜேபியை வளர்த்த ஒரு தலைவர் துரோகத்தால் ஓரங்கட்டப்பட்டது  வரலாறு. காலையில் காலைப் பிடித்த துரோகி மாலையில் முதுகில் குத்தி விட்டு ஆட்சியில் அமர்ந்து தமிழ் நாட்டு மக்களின் வரிப்பணத்தை கொள்ளை அடித்து விட்டு ஐந்து லட்சம் கோடி கடனை தலையில் கட்டிச் சென்ற இனத் துரோகியின் ஆட்சியும் வரலாறு. துரோகம் துரோகத்தைச் சந்திப்பதில் ஆச்சரியம் எதுவுமில்லை. 

ஊழல், திருட்டு என்று முதலில் செய்தியை வெளியிட்டு மக்களிடம் பதிய வைப்பது. தவறான செய்தி என்றால் வாய் திறக்காமல் வேறு விஷயத்துக்குச் சென்று விடுவது. இந்த நச்சு வேலையை விகடன் தொடர்ந்து செய்து வருகிறது.

ஜி ஸ்கொயர் போல தமிழ் நாட்டில் பல நிறுவனங்கள் ரியல் எஸ்டேட் தொழில் செய்கின்றார்கள். வடநாட்டினர் பலர் லட்சக்கணக்கான கோடி ரூபாயில் முதலீடு போட்டு தமிழ்நாட்டில் ரியல் எஸ்டேட் செய்கிறார்கள். அவர்களில் பலர் பல அரசியல்வாதிகளுக்கு நெருக்கமானவர்கள். அவர்களைப் பற்றி எல்லாம் விகடன் செய்தி வெளியிடாது. ஆனால் திமுக என்றால் வாயும் வயிறும் விகடன் குழுமத்துக்கு பற்றி எரியும். 

ஆட்சிக்கு வந்ததும் டாலர் விலை 44 ரூபாய்க்கு மாற்றுவேன் என்று முழங்கியவரைப் பற்றி பேசாது. காணாமல் போய் கொண்டிருக்கும் 2000 ரூபாய் நோட்டைப் பற்றி எழுதாது. ஆர்.பி.ஐ ஒன்றிய அரசுக்கு பணவீக்கத்தைப் பற்றி எச்சரிக்கை செய்துள்ளதைப் பற்றி எழுதாது. உலகே வியந்த எல்.ஐ.சி பங்குகளை விற்கிறேன் பேர்வழி என சாதாரணப்பட்ட பல முதலீட்டாளர்களின் 80000 கோடி ரூபாயை காணாமல் அடித்ததைப் பற்றிப் பேசாது. 

(எல்.ஐ.சி பங்குகள் விற்பன் கிராப். டெய்லி டிரேடிங்க் செய்தவர்கள் பிழைப்பு என்ன ஆகி இருக்கும் என்று பாருங்கள். ஒரு அரசு செய்யும் வேலை இதுதானா என்று நினைத்துப் பாருங்கள்)

ஒன்றிய அரசு பணம் சம்பாதிக்க சாதாரண முதலீட்டாளர்களை  அழிக்கிறது பற்றி எழுதாது. இப்படி மக்களுக்கு கொடுமை நடப்பதைப் பற்றி எல்லாம் எழுதாமல் திமுக மீது சேற்றினை வாரி வீசுவது, பின்னர் பம்முவது போன்ற செயல்களைச் செய்து வரும் விகடன் குழுமத்தின் பத்திரிக்கைகளை  தமிழர்கள் புறக்கணித்து அறமற்ற அவர்களின் செயல்களுக்கு சரியான பாடம் புகட்டிட வேண்டும்.  

அறமற்ற எந்த ஒரு செயலுக்கும் பின் விளைவுகள் உண்டு என்பதை 96 வருட பத்திரிக்கைப் பாரம்பரியம் கொண்ட விகடன் குழுமம் உணரும் நாள் வந்தே தீரும்.

தமிழ் பூமி ஆன்மீக பூமி. அறத்தின் வழி நடக்கும் பூமி. அரசியலில் தைரியமிக்கவர் என்று சொல்லப்பட்ட ஜெவின் வாழ்க்கையை முடித்துக் கட்டியது அறம். அதிகாரமும், பணமும் ஒன்றும் செய்ய முடியவில்லை அறத்தின் முன்பு. 

விகடனின் நரித்தந்திரமும் அறத்தின் முன்னாலே தீர்க்கப்படும்.

* * *

நன்றி : விகடன், ஸ்கிரீனர் இணையதளம்

Saturday, May 28, 2022

பிராமண ஆதிக்கம் பிரதமர் மோடிக்குப் பின்னால் அதிகரித்திருக்கிறதா? சாட்சியுடன் சிறு ஆய்வு

இந்தப் பதிவு எழுத உதவிய மே 2022 காலச்சுவடு பத்திரிக்கைக்கு நன்றி. கர் நாடக இசைப்பாடகர் டி.எம்.கிருஷ்ணா பிராமண வகுப்பைச் சார்ந்தவர். கடந்த 2020ம் ஆண்டில் டி.எம்.கிருஷ்ணாவுடன் ஷேக் மெஹபூப் சுபகானி மற்றும் கலீஷாபீ மெஹபூப் என்ற பெண்மணியுடன் ஒரு வீடியோ யூடியுப்பில் காணக்கிடைத்தது. 

பிராமணர் - முஸ்லிம் கலவையில் ஒரு கச்சேரி. ஆச்சரியம். 

இந்த வீடியோவை நீங்கள் அவசியம் பார்க்க வேண்டும். மதிப்பிற்குரிய பெண்மணி கலீஷாபீ மெஹபூப் நெற்றியில் குங்குமம் சுடர் விடுகிறது. பட்டுச் சேலை, வளையல்கள், மோதிரங்கள், கழுத்தில் சங்கிலி என அக்மார்க் தமிழன்னை போல அமர்ந்திருக்கும் அழகைப் பாருங்கள். 

நாதஸ்வரத்திலிருந்து வெளியேறும் காபி ராகம் - கான மழையினைப் பொழிகிறது. சங்கதிகளை நாதஸ்வரம் அனாயசமாக இசை மழையாகப்  பொழிகிறது. காணவும், கேட்கவும் கொடுப்பினை வேண்டும். என்ன ஒரு அழகான இசை மேடை?

பெயரில் மட்டும் முஸ்லிம். ஆனால் வாழ்வியலோ தமிழர் பாரம்பரியம். அழகு மிளிரும் இந்த இசை மேடையில் நாதமும் இசையும் ஒன்று சேர்ந்து பிரம்மத்தை உணர வைக்க கானமாக பொழிகிறது. இதுதான் தமிழ் நாடு.

ஆனால் தலை முடிக்குள் இருக்கும் பேன் போல பிராமணர்களின் செயல்பாடுகள் இசையிலும் சாதி வெறி கொண்டு செயல்படும் போக்கினையும், பிரதமர் மோடி பிரதமர் ஆன பின்னாலே பிராமணர்களின் ஆதிக்கமும், கொட்டமும், ஆட்டமும் அதிகரித்து ஆடிக் கொண்டிருக்கிறார்கள் என்பதையும் டி.எம்.கிருஷ்ணாவின் ’அவர்களைப் பொறுத்தவரை நான் துரோகி” என்ற காலச்சுவடு கட்டுரை வெளிச்சம் போட்டு விட்டது.

இசைக்கு எதற்கு சாதி? தலித் சாதியைச் சார்ந்த ராசய்யாவிடம் (இளையராஜா) பிராமண சாதி பாடகர்கள் தான் அதிகம் சம்பாதித்தார்கள்.  பணம் வருகிறது என்றால் சாதி பார்க்க மாட்டார்கள்.

திராவிட அரசியல் இயக்கங்களால் மட்டுமே தமிழ் நாடு இவர்களின் ஆதிக்கத்திலிருந்து விடுபட்டது என்பது எவராலும் மறுக்க முடியாத உண்மை. 

இறைவனின் சன்னிதியில் சாதி தீண்டாமையை இன்றும் பின்பற்றும் இனமாக இருக்கிறார்கள். 

இவர்களுக்கு திராவிட நாடுகளின் கோவில்கள் தான் குறி. வடநாட்டில் ஓரமாய் உட்கார்ந்திருக்கிறார்கள். 

ஆகமம் என்பார்கள், நியமம் என்பார்கள், இந்து தர்மம் என்பார்கள். என்னென்ன பொய்களையும் புரட்டுகளையும் சொல்ல வேண்டுமோ அத்தனை கட்டுகதைகளையும் அவிழ்த்து விடுவார்கள். இன்னும் கதை விட்டுக் கொண்டிருக்கிறார்கள். 

இவர்களுக்கு முஸ்லிம்களைப் பிடிக்காது. ஆனால் முஸ்லிம் நாட்டில் வேலைச் செய்வார்கள். இவர்களுக்கு கிறிஸ்துவர்களைப் பிடிக்காது. ஆனால் அமெரிக்காவில் வேலை செய்வார்கள். இதுதான் இவர்களின் தர்மம். இவர்கள் தான் நெற்றியில், உடையில், உணவில், மொழியில், பேச்சில் சாதியைக் காட்டிக் கொண்டிருக்கின்றார்கள். வேறு எந்த சாதியும் இப்படி இருப்பதில்லை. அவர்கள் எல்லோரும் உலகோடு இயைந்து வாழ்கிறார்கள். 

நரேந்திர மோடி இந்தியாவின் பிரதமர் ஆன பின்னாலே பிராமணர்களின் ஆட்டம் அதிகரித்திருக்கிறது என்கிறார் பிராமணரான டி.எம்.கிருஷ்ணா. இனி அவர் என்னென்ன சொல்லி இருக்கிறார் என்று பார்க்கலாம். இதை நான் சொல்லவில்லை என்பதைக் கவனத்தில் கொள்க.

காலச்சுவடு மே மாதம் 2022 புத்தகத்தில் பக்கம் 45ல் டி.எம்.கிருஷ்ணாவிடம் கேட்கப்பட்ட கேள்விகளுக்கு அவர் சொன்ன பதில்களில் ஒரு சில.

அவர்களைப் பொறுத்தவரை கர்நாடக இசையுலகம் அவர்களின் அதிகாரபூர்வமான வாழ்க்கை. வெளியுலகம் என்பது அதற்கு வெளியே இருக்கும் காதல் போன்றது. அவர்களின் அடையாளம் இசை, கலாச்சாரம். வெளியுலகம் உலகியல் நலன்களுக்காகத் தேவை என அவர்கள் மறைமுகமான நினைக்கின்றார்கள். ஊடகக் கவனம், பணம், புகழ் கிடைக்கும் என்று அவர்கள் வெளியுலகத்திற்கு வருகிறார்கள்.

இசையுலகில் மூன்று இந்தியர்களுக்கு தான் மகசேசே விருது வழங்கப்பட்டிருக்கிறது. எம்.எஸ்.சுப்புலட்சுமி, ரவிசங்கர் அதற்குப் பிறகு எனக்கு அறிவிக்கப்பட்டிருந்ததால் இசையுலகில் எல்லாரும் மகிழ்ச்சியாகத்தான் இருந்தனர். ஆனால் குழு வெளியிட்டிருந்த அறிவிப்பில் ‘பிராமணிய ஆதிக்கத்திலிருக்கும் கர்நாடக இசையுலகில் சாதி, வர்க்கத் தடைகளைத் தகர்த்து, சிலருக்கு மட்டுமல்ல, அனைவருக்கும் இசை சென்று சேர வேண்டும் என்பதற்காக அவர் காட்டும் வலிமையான ஆற்றலுக்கான அர்பணிப்புக்காக’ என்னை அங்கீகரிப்பதாகச் சொன்னார்கள். அதன் பிறகு வாழ்த்தியவர்கள் எல்லாரும் தூற்றத் தொடங்கினார்கள்.

கர்நாடக இசையுலகம் ஒரு பழமைவாத இந்து பிராமண உலகம். இது உண்மை. இதை யாரும் மறுக்க முடியாது. நரேந்திர மோடி வெற்றி பெற்ற 2014க்குப் பிறகு பிராமணர்களின் பழமைவாத இறுக்கம் இன்னும் அதிகமாகி விட்டது. 

புத்தகத்தில் இருந்து ...


இவர் எழுதிய Southern Music - A Carnatic Music, Sebastian & Sons ஆகிய இரண்டு புத்தகங்களால் இவருக்கும் பிராமணியர்களிடமிருந்து பெரும் எதிர்ப்பு உண்டாகி இருப்பதை காலச்சுவடு விரிவாக பதிவு செய்திருக்கிறது. அதுமட்டுமல்ல காலச்சுவட்டின் அட்டைப்படத்தில் பிராமணர்கள் இவருக்கு கொடுத்த பட்டம் “ துரோகி”

துரோகி என்ற சொல் யாருக்குப் பொருந்தும் என்று படிப்பவர்கள் சிந்தித்துக் கொள்ளுங்கள். இதற்கு மேல் என்ன எழுத வேண்டி இருக்கிறது. மனித சமூகத்தை இவர்களைப் போன்றோர்களிடமிருந்து விலகிட வைக்க பெரும் பிரயத்தனம் செய்ய வேண்டிய அவசியம் உள்ளது என்பதை மனிதாபிமானம் மிக்க மனிதர்கள் நினைவில் கொள்ள வேண்டும்.

இசை என்பது இறை. 

நாங்கள் மட்டும் தான் பாடுவோம் என்றால் அவர்கள் இறைவனுக்கு பிடிக்காதவர்கள். இறைவனின் சன்னிதியில் சாதி பார்ப்பவர்கள் நாத்திகவாதிகள். 

மனிதாபிமானமும், அன்பும் மட்டுமே இவ்வுலகின் வாழ்வியல் சக்கரத்தின் அச்சாணி. 

முகம்மதுவும், செபாஸ்டியனும், ராமானுஜமும், கபாலியும் ஒரே மேடையில் அமர்ந்து இசைக்கச்சேரி இசைக்கும் காலம் வந்தே தீரும். 

அதற்கு முயற்சி செய்யும், செய்து கொண்டிருக்கும் டி.எம்.கிருஷ்ணாவுக்கு (எனக்குப் பிடித்த கடவுள்) மனித சமூகத்தின் சார்பாக வந்தனங்களையும், வாழ்த்துக்களையும், நன்றியையும் தெரிவித்துக் கொள்கிறேன்.

* * *

Friday, May 27, 2022

டெக்னாலஜியின் வளர்ச்சி - பிஜேபியின் சாதனையா?

பிரதம மந்திரி தமிழகத்துக்கு 31,500 கோடி ரூபாய் தமிழ் நாட்டின் உட் கட்டமைப்புத் திட்டத்தின் அடிக்கல் நாட்டு விழாவிற்கு வருகை தந்தது மகிழ்ச்சியாக இருக்கிறது. 

அனைவருக்கும் வீடு திட்டத்தில் சென்னையில் 1152 வீடுகளை ஒன்றிய அரசும், தமிழ் நாடு அரசும் இணைந்து கட்டி அதனைப் பயனாளர்களுக்கு ஒப்படைத்த நிகழ்வு தான் உண்மையில் மிகச் சிறந்தது. ஏழைகளுக்கு வீடு திட்டத்தில் இரண்டு படுக்கை அறை, கழிவறை வசதியுடன் அடுக்குமாடி குடியிருப்புகள் முழுமை அடைந்ததால் பயனர்களுக்கு ஒப்படைக்கப்பட்டது. 

டிவியில் லைவ் நிகழ்வினைப் பார்த்துக் கொண்டிருந்தேன். சல்லித்தனமான ஒரு செயலை பார்வையாளர்கள் செய்து கொண்டிருந்தார்கள். இதில் என்ன சந்தோஷமோ? ஆளுநர் அவர்களோ அதற்கும் மேல். 

முதலமைச்சர் ஸ்டாலின் பெயரைச் சொன்ன போதெல்லாம் சத்தம் அதிகமானது. எதற்கு இந்தச் சத்தம்? என்ன பயன்? 

பிரதமர் புதிய கல்வித் திட்டத்தில் மாநில மொழிகளில் படிக்கலாம் என்ற போது ஆளுநர் முகத்தில் சந்தோஷம் கொப்பளித்தது. எவ்வளவு அறிவிலித்தனமான செய்கை தெரியுமா இது? அசிங்கம் என்று தெரியாமலே சின்னப் பிள்ளைகளைப் போல நடந்து கொண்டார்கள். 

நம் பாரதப் பிரதமர், நம் முதலமைச்சர், நம் ஆளுநர், நம் மந்திரி என்ற எண்ணம் மக்களுக்குள் உருவாக வேண்டும். 

ஆனால் இவர்கள் நடந்து கொள்ளும் போக்கு வன்மத்தை விதைப்பதாகவே உள்ளது. பிஜேபிக்கு கலவரமே கொள்கை என்கிற போது அவர்களிடம் மிருகத்தனமான பேச்சுக்களும், வெறித்தனமான கத்தல்களும் தான் வரும்.

உறவுக்கு கை கொடுப்போம், உரிமைக்கு குரல் கொடுப்போம் என்று நினைவு படுத்தினார் முதலமைச்சர் ஸ்டாலின். ஒன்றிய அரசு தானாகவே வரி வசூலிப்பது இல்லை. கூட்டாட்சி முறையில் மாநிலங்கள் மூலமாக கிடைக்கும் வரி வருவாயில் நலத்திட்டங்கள் செயல்படுத்தல் அவசியம். அதற்குதான் அரசாங்கம் இருக்கிறது. 

ஒன்றிய அமைச்சர் எல்.முருகன் 31,500 கோடி ரூபாயும் பிஜேபியினர் கடுமையாக உழைத்து தமிழ் நாட்டுக்கு கொடுத்தது போல பேசிக் கொண்டிருந்தார். பிஜேபியினர் அவரவர் மாமனார் வீட்டிலிருந்து வாங்கி கொடுத்தது போல பில்டப் கொடுத்துக் கொண்டிருந்தார்கள்.

உண்மையில் அதிகாரமிக்கவர்கள் யார் தெரியுமா? 

ஒரு தாசில்தாருக்கு இருக்கும் அதிகாரம் கூட இல்லாதவர்கள் தான் பிரதம அமைச்சரும், முதலமைச்சரும், மந்திரி பிரதானிகளும். சட்டம் அதுதான். ஒரு சான்றிதழ் வேண்டுமென்றால் தாசில்தார் தர வேண்டும். முதலமைச்சரால் முடியாது. ஏன் பிரதம மந்திரிக்கும் தாசில்தார் தான் பிறப்புச் சான்றிதழ் கொடுக்க வேண்டும். ஒரு பள்ளிதான் டி.சி கொடுக்க முடியும். இப்படி வெற்று ஒப்பனைக்கார பதவிகள் அவைகள். ஊழல்களில் தண்டிக்கப்படுவர்கள் அரசு அதிகாரிகளே. 

ஆட்சி நடத்த ஆலோசனைகள் மட்டுமே தரவியலும். இயக்குவது, இயங்க வைப்பது, நடமுறைப்படுத்துவது எல்லாம் அரசு அதிகாரிகள் மற்றும் அலுவலர்கள். 

அரசாங்கம் தாயைப் போன்றது. மக்களின் தேவைகள் அறிந்து வேண்டுவன நிறைவேற்றிக் கொடுக்க பரிந்துரை செய்து, அதனை நடத்துகிறார்களா அரசு அலுவர்கள் என்று பார்ப்பது மட்டுமே இவர்கள் பணி.

பிரதமரை காவலன், கோவலன், இரும்பு மனிதர், ஆஹா, ஓஹோ என்றெல்லாம் எழுதிக் கொண்டிருப்பவர்களும், பேசிக் கொண்டிருப்பவர்களும் மடையர்களே. பூ தூவுகின்றார்கள், வாழ்த்துப் பாடுகின்றார்கள், ஆடுகிறார்கள், பாடுகிறார்கள் இன்னும் என்னென்ன சேட்டைகள் செய்ய வேண்டுமோ அத்தனையும் செய்து அசிங்கப்பட்டுக் கொண்டிருக்கின்றார்கள்.

இதெல்லாம் தேவையா என்று கட்சிகள் யோசிக்க வேண்டும். 

பிஜேபி தமிழ் நாட்டில் செய்யும் அரசியல் கேவலமானது. அண்ணாமலைக்கு பிஜேபிக்கு தலைவனாக இருக்கும் தகுதியே இல்லை. ஆக்கப்பூர்வமான அரசியல் வேண்டும். அதைச் செய்யும் நபரை தலைவராக நியமிக்க வேண்டும். இல்லையெனில் நேற்று உலகமெங்கும் கோபேக்மோடி டிரண்டிங்கில் இருந்தது போல இன்னும் வெறுப்பு அரசியல் மேலோங்கும். தொடர்ந்து பொய் பிரச்சாரங்களை வெளியிட்டுக் கொண்டிருக்க முடியாது.

டிஜிட்டல் இந்தியா  பிஜேபியின் சாதனை என்கிறார்கள். இணையதளங்களிலும், டிவி குரைக்கும் ஷோக்களிலும் குரைத்துக் கொண்டிருக்கிறார்கள்.

எது சாதனை?

ஆதாரை பான் கார்டுடன் இணைப்பதா?

வங்கி கணக்குடன் ஆதாரை இணைப்பது, பான் கார்டை இணைப்பதா? 

மொபைல் போன் ஆப்பில் வங்கிப் பரிவர்த்தனை செய்வதா?

ஆன்லைனில் வரி கட்டுவதா?

இணையதளங்கள் மூலம் விண்ணப்பம் செய்வதா?

டிவிட்டரில் எழுதுவதா?

ஃபேஸ்புக்கில் கமெண்ட்டடிப்பதா?

ஓடிடியில் படம் பார்ப்பதா?

இதுவெல்லாம் டெக்னாலஜியின் வளர்ச்சி. ஹெச்டிஎம் எல் வெப் டிசைன் பின்னர் சி.எம்.எஸ் ஆகி இப்போது வேறு எங்கேயே சென்று விட்டது. நொடிக்கொரு தரம் டெக்னாலஜியினை வளர்ப்பது தனியார்கள். யாரோ ஒருவரின் மூளையில் உதிக்கும் சிந்தனைதான் டெக்னாலஜியின் வளர்ச்சிக்கு ஆதாரம்.  

டெக்னாலஜி வளர்ச்சிக்கு ஒரு துரும்பை கூட கிள்ளிப் போடவில்லை பிஜேபி. ஆனால் சாதனை என்கிறார்கள். சாதனை அல்ல, இப்படி பொய் சொல்வது வேதனை. மக்களை மடையர்கள் என்று நினைத்துக் கொள்வது பிஜேபிக்கு வசதி. பிறருக்கு அல்ல.

ஒரு பானை சோற்றுக்கு ஒரு சோறு பதம். இதோ படியுங்கள்.

தடுப்பூசி சர்ட்டிபிகேட்டில் பயனர் படத்துக்குப் பதிலாக பிரதம மந்திரியின் புகைப்படத்தைப் போட்டது தான் சாதனை.

டீமாண்டிஷேசனின் போது ஏ.டி.எம்களில் புது இரண்டாயிரம் ரூபாய் வைக்க புதிய டிரேயைச் சொருகினார்கள். ஏற்கனவே இருக்கும் ஏ.டி.எம். டிசைனில் உள்ள பணம் வைக்கும் டிரேயின் சைஸ் என்னவென்று கூட தெரியாமல் நோட்டு அச்சடித்து மக்களைக் கொன்றதுதான் பெரும் சாதனை. எப்படி ஒரு ஆட்சி என்று பாருங்கள்.

பிளாக்‌செயின் டெக்னாலஜியை பிஜேபியா கண்டுபிடித்தது? ஒன்றையும் செய்யவில்லை.

டிஜிட்டல் இந்தியாவின் தற்போதைய நிலை என்ன தெரியுமா? படியுங்கள் வேதனை தான் மிஞ்சும்.

ஜி.எஸ்.டி கவுன்சில் பரிந்துரைக்கும் விற்பனைப் பொருட்களுக்கான வரி உயர்வு, வரி குறைப்பினை சட்டசபையிலும், நாடாளுமன்றத்திலும் சட்டம் போட்டு அமல்படுத்தாமல் தானே ஜி.எஸ்.டி சாஃப்ட்வேரில் மாற்றம் செய்து கொண்டிருக்கிறது ஒன்றிய அரசு.

இதன் பதிவுகள் எங்கே இருக்கும்? சட்டம் எங்கே? எதுவும் இல்லை. கம்ப்யூட்டரை ஆன் செய்வது. உள்ளே வரியின் அளவைக் கூட்ட வேண்டியது. அம்புட்டுதான். (கருத்து : தமிழ் நாடு நிதியமைச்சர் பி.டி.ஆர். பேட்டியிலிருந்து)

அரசியலமைப்புச் சட்டம் என்னவென்று தெரியாத சாதனையை பிஜேபி செய்து வருகிறது.

சாதனைகளை இன்னும் தொகுத்தால் பிஜேபி அரசாங்கம் அசிங்கப்பட்டு விடும்.

இன்றைய சாதனை என்ன தெரியுமா? 

வாகனங்களுக்கு மூன்றாம் நபர் காப்பீட்டு தொகை உயர்த்தப்பட்டிருக்கிறது. ஏன் உயர்த்தினார்கள்? யாருக்கு இதன் பயன் போகப் போகிறது? இது சாதனை.

சமீபத்தில் டோல் கேட் கட்டணம் உயர்த்தப்பட்டது? ஏன் உயர்த்தப்பட்டது? யாருக்கு இதன் பயன் செல்லப் போகிறது? இது இன்னொரு சாதனை.

இல்லத்தரசிகள் மாதம் 100 ரூபாய் கட்டணத்தில் அழுகை புராணங்களைப் பார்த்துக் கொண்டிருந்தார்கள். அதற்கு ஒரு என்.சி.எஃப் என்று கட்டணம் போட்டு 100 ரூபாய் பிடுங்கிக் கொண்டிருக்கிறது ஒன்றிய அரசு. இது ஒரு சாதனை.

இன்னும் இருக்கிறது. மக்களிடம் இருந்து நேரடியாகப் பிடுங்கி தனியார் நிறுவனங்களுக்கு வரி தள்ளுபடி கொடுக்கும் இமாலய சாதனையை தொடர்ந்து செய்து வருகிறது பிஜேபி அரசு.

கம்பெனிகளிடமிருந்து சுமார் 2550 கோடி ரூபாய் பிஜேபி அரசு தேர்தல் செலவுக்கு வசூலித்திருக்கிறது. கணக்கிலே இவ்வளவு என்றால்?

பின் குறிப்பு ஒன்று :

தருமபுரம்(??? பெயரைப் பாருங்கள்) ஆதினம் பல்லக்கில் நாலு பேரு பிணத்தை தூக்குவது போல தூக்கி வந்தால் தான் இந்து தர்மம் நிலை நிறுத்தப்படும் என்று ஆதீன மடாதிபதிகள் கூவினார்கள். ஒரு ஜீயர் குரைத்தான் நாய் போல. பின்னர் நாய் வாலைச் சுருட்டிக் கொள்வது போல சுருட்டிக் கொண்டான்.

தற்போதைய அரசின் அதிகாரத்தில் இருக்கும் ஒருவரிடம் கேட்டேன். என்ன செய்யப் போகின்றீர்கள் என்று.

”அவன் பல்லக்கில் போனால் என்ன? மல்லாக்க விழுந்தால் என்ன? அவன் இருக்கும் இடத்திற்கு தகுந்தாற் போல அவன் நடிக்கிறான். இதனால் மக்களுக்கு நன்மையா நடக்கப் போகிறது? ஒரு மண்ணாங்கட்டிக்கும் பிரயோஜனம் யாருக்கும் இல்லை” என்றார்.

தருமபுரம் ஆதீனம் ஒரு சோத்து மூட்டை என்று தன்னைத் தானே நிரூபித்துக் கொண்டார். மடத்தனத்தின் அதிபதி தான் என்று நிரூபித்துக் கொண்டார் அவர். இதோ படம். பார்த்து வையுங்கள். இதெல்லாம் உள்ளே போனால் உடம்பு சும்மா இருக்குமா? என்னென்ன செய்யும்? அப்போ இந்த ஆள் மடத்துக்குள் என்னவெல்லாம் செய்வார்? யோசித்துப் பாருங்கள். அம்புட்டுதான் இதுதானிந்து தர்மம்.


மடாதிபதியின் இடது பக்கத்தில் மண்டையில் கொட்டை போட்டு உட்கார்ந்திருக்காரே மதுரை ஆதீன மடாதிபதி எப்படி வளச்சு வளச்சு உள்ளே தள்ளுகிறார் பாருங்க. தருமபுர பல்லக்கைத் தூக்கினாரா என்று இவரை யாராவது நேரில் பார்த்தால் கேளுங்கள்.

விதியைப் பார்த்தீர்களா? தருமபுரம் தனக்குத்தானே ஆப்புச் செருகி அசிங்கப்பட்டுக் கொண்டிருக்கிறார். இனி இவரைப் பார்க்கும் போதெல்லாம் இலையும் அதிலிருந்த இரண்டு பட்டைச் சோறும் நினைவுக்கு வந்து விடும்.

* * *

Wednesday, May 18, 2022

வடையும் தற்போதைய நிலையும்

எது உண்மையோ, எது அறமோ அதைப் பேசலாம். அறமா, உண்மையா அப்படின்னா என்னா என்று கேட்போருக்கு பதில் ‘ஙே’.

இன்றைய செய்திதாளில் வந்த செய்திப் படங்கள் கீழே. முதல் படம் வடை சுடுவது எப்படி என்பதற்கான குறிப்பு. இரண்டாவது படம் சுட்ட வடையை வாங்க வக்கில்லாத நிலையினைக் குறிக்கும் படம்.  மூன்றாவது படம் ஜாதி. படிச்சு வையுங்க. அதற்கடுத்தது ஒரு சிறு கதை. நெட்டில் படித்தது. 

நன்றி : தினமணி


(வடை சுடுவது எப்படி என்ற குறிப்புகள்)


(சுட்ட வடையை மக்கள் வாங்க முடியுமா முடியாதா - குறிப்பு)

தினமணிக்கு நன்கு தெரியும் பெட்ரோலிய பொருட்களின் விலை உயர்வால் தான் விலை பணவீக்கம் வரலாறு காணாத உயர்ந்தது என்று தெரியும். ஆனால் நக்கி விடுகிறது பாருங்கள்.


மகாராஷ்டிரா மாநிலத்துக்கு பிராமண சமூகத்தைச் சேர்ந்த முதல்வர் தேவை என ஒன்றிய அமைச்சர் ராம்தாஸ் அதாவலே. பிற சாதிக்காரர்கள் முதல்வராக வரக்கூடாதாம்.

இனி ஒரு நெட்டில் படித்த கதை.

டீக்கடைக்காரரை மீட்டிங்கிற்கு கூப்பிட்டார் ஒரு ஐடி கம்பெனி மேனேஜர். கான்பரென்ஸ் மீட்டிங்கில் அவர் ஒரு மாதமாக கொடுத்த டீயின் சுவை நன்றாக இல்லை என்றும், எந்தெந்த தேதிகளில் டீ கொட்டப்பட்டது, அளவுகள் குறைவாக இருந்தவை எத்தனை டீக்கள் என்ற டேட்டாக்களை அவரிடம் கொடுத்து இனி டீ நன்றாகப் போடுவது எப்படி என்ற விபரங்களை ஒரு பவர் பாயிண்ட் பிரசண்ட்டாக கொடுத்து விடுவதாக சொன்னவுடன் டீக்கடைக்காரர் மண்டை காய்ந்து போய் உட்கார்ந்திருந்தார்.

சாஃப்ட்வேர் ஊழியர்கள் டீக்கடைகாரருக்கு டிஜிட்டல் திரையில் பிரசண்டேசன்களை போட்டு காட்டி விளக்கிக் கொண்டிருந்தனர். அங்கு வந்த நிறுவனத்தின் முதலாளி டீக்கடைக்காரரைப் பார்த்து, “ நீ கொடுக்கும் டீ நன்றாக இல்லை, இனி நல்ல டீ கொடுத்தால் தான் காசு, கெளம்பு” என்றுச் சொன்னார்.

டீக்கடைக்காரர் சந்தோஷத்துடன் தலையாட்டி விட்டு சென்று விட்டார்.

(கதைக்கரு சுருக்கப்பட்டிருக்கிறது)

அவ்ளோ தான்.




நிலம் (98) - நடிகர் சூரியை ஏமாற்றிய நில மோசடி வழக்கு

சவுக்கு ஆன்லைனிலும், ரெட்பிக்ஸ் யூடியூப் சானலிலும் சவுக்கு சங்கர் நடிகர் சூரியை சக நடிகர் விஷ்ணு விஷாலின் தந்தை முன்னாள் டிஜிபி ரமேஷ் ஏமாற்றிய விதத்தை தெளிவாக எடுத்துரைத்திருக்கிறார்.

கட்டுரை இணைப்பு : நல்லா இருந்த நடிகரும் நாசமாக்கிய டிஜிபியும்


மேலே இருக்கும் இணைப்பினை கிளிக் செய்து படித்துக் கொள்ளுங்கள். பேட்டியைப் பார்த்துக் கொள்ளுங்கள்.

இனி பிரச்சினைக்கு வருவோம்.

சூரி டிஜிபியை நம்பினார். அதனால் தான் இந்தப் பிரச்சினை உருவானது. நம்பியவரை ஏமாற்றி விட்டனர். நம்பிக்கை மோசடி செய்து விட்டனர். பாதை இல்லாத பூமியை விற்று விட்டனர் என்பதுதான் வழக்கு. சூரியின் கிரையப் பத்திரம் கீழே.

சின்ன விஷயத்தைச் செய்யாத காரணத்தால் சூரி ஏமாந்தார். 

ஒரு நல்ல லீகல் அட்வைசரிடம் கருத்துரு கேட்காமல், பெரிய தொகையினைக் கொடுத்து கிரையம் பெறுவது சூரியின் தவறு. 2015 பதிவு செய்து சொத்து, அதற்கு வட்டி, நிம்மதியற்ற நிலை, காவல்துறை வழக்கு, கோர்ட் வழக்கு, செலவு என தேவையற்ற செலவுகளைச் செய்து என்ன கிடைத்து விடப்போகிறது அவருக்கு?

முன்னாள் டிஜிபிக்குத் தெரியும் இந்த வழக்கினை எப்படி கையாள்வது என்று. காலம் தான் போய்க்கொண்டிருக்குமே தவிர வேறு ஒன்றும் நடக்காது. 

தன் ரிட்டயர்மெண்ட் காலம் வரை சூரியை ஏமாற்றி, சூது செய்தவருக்குத் தெரியாதா இந்த வழக்கை என்ன செய்ய வேண்டுமென்று?

இனி சூரி என்னதான் செய்வது?

எப்படி இந்தப் பிரச்சினையில் இருந்து வெளி வருவது? வழி இருக்கா?

இருக்கிறது. இந்த வழக்கு இப்படி நடத்தவே கூடாது. முதல் தவறு.

இரண்டாவது தவறு சூரி கோர்ட்டுக்குச் சென்றது.

அவர் கேட்டால் சொல்லலாம். பொதுவாகச் சொல்வது சரி வராது. இந்த வழக்கின் முடிவு என்ன தெரியுமா? 

ஒன்றும் நடக்காது. இழப்பு சூரிக்கு மட்டுமே நடக்கும்.

ஆகவே நிலம் வாங்கும் முன்பு நல்ல அட்வைசரிடம்  ஆலோசனை கேட்காமல் கிரையம் செய்யாதீர்கள்.

Monday, May 9, 2022

எமனோலையை மறுக்க முடியுமா? மரணத்தை வெல்ல முடியுமா? சாத்தியமா?

சனிக்கிழமையன்று அடிக்கடி நினைவில் வந்து கொண்டிருந்த சுவாமி ஆத்மானந்தர் அவர்களை போனில் அழைத்த போது என்னை யாரென்று தெரியவில்லை என்றுச் சொல்லியதும் பதட்டம் வந்து விட்டது.  கோவை மாவட்டம், பள்ளப்பாளையத்தில் இருக்கும் ராமகிருஷ்ணர் ஆசிரமத்தில் இருப்பதாக சொன்னார். அருகில் தானே பள்ளப்பாளையம் என்று நினைத்து மகன், மகளுடன் அவரைச் சந்திக்க சென்றேன். வயதான பழுத்த ஆன்மீகவாதியாகி தன்னை முழுவதுமாய் இறைவனிடம் ஒப்படைத்து விட்ட நிலையில் இருந்தார் சுவாமி.

என்னைப் பார்த்ததும் தங்கவேல் என்று அழைக்க அப்பாடா என்று இருந்தது. அவருடன் ஐந்து ஆறு வருடங்கள் வாழ்ந்தேன். ஞான தகப்பன் என்றால் எனக்கு சுவாமி ஆத்மானந்தர் அவர்கள் தான். அவரால் உருவாக்கப்பட்ட சொத்துகளுக்கு எனக்கும் எந்த வித சம்பந்தமும் இல்லை. எனக்கு வேண்டியதுமில்லை. விரும்பியதுமில்லை. ஒரு சிலருக்கு புரிய வேண்டும் என்பதால் இதைப் பதிவு செய்கிறேன்.

எனக்குள் ஒரு ஆசை இருந்தது. நன் மனையாள், நற்குழந்தைகள்,  அற நெறி வழுவா ஆன்மீக வாழ்க்கை என இப்போது வாழ்ந்து வரும் வாழ்க்கைக்கு அச்சாரமிட்டுக் கொடுத்தவர் அவரே.  

வீட்டில் ஒரு பொழுதேனும் தங்கி இருந்து, ஒரு வேளை உணவு எடுத்தால் என் மனம் மகிழ்வுறுமே என பலமுறை அவரிடம் வேண்டுகோள் விடுத்தும் வருகிறேன் என்றுச் சொல்லியே காலம் தாழ்த்தி விட்டார்.

இனி விடக்கூடாது என்ற முடிவு செய்து கொண்டேன். தன்னை முழுமையாக இறைவனின் பாதத்தில் ஒப்படைத்து விட்ட தன்மையில் இருக்கும் சுவாமிகள் இன்றிரவு நான் வசிக்கும் வீட்டில் உணவு உட்கொள்ள வேண்டுமென்று எம் குருவினை வேண்டிக் கொண்டேன்.

அவரிடம் வேண்டினேன். வருவதாகச் சொன்னார். 

எனது குருநாதர் சற்குரு ஞானி வெள்ளிங்கிரி ஆசிரமம் அழைத்துச் சென்றேன். குருநாதரைப் பார்த்த போது ”என்னை விட நான்கு மாதம் மூத்தவர் சாமி” என்று என்னிடம் சொன்னார். மேடையை வலம் வந்தார்.

உள்ளே இருக்கையில் ”நான் உன்னுடன் காரில் வர வேண்டும்” என்று கேட்டார். அதன் படியே என்னுடன் மகன் ரித்திக் நந்தா கார் ஓட்ட பூண்டி கோவிலின் அடியில் காரை நிறுத்தினான் மகன். மேலே செல்ல இயலாத காரணத்தால் காரில் அமர்ந்த படியே பூண்டி ஆண்டவரை வணங்கி வீட்டுக்கு வந்து விட்டோம்.

அடியேன் படுக்கும் படுக்கையில் நன்கு உறங்கி விழித்தார். வழமை போல மூன்று இட்லிகள், சாம்பார், தேங்காய் சட்னி, தக்காளி சட்னி, கொஞ்சம் மாம்பழம் எடுத்துக் கொண்டார். ஆசீர்வாதம் செய்து விட்டு பள்ளப்பாளையம் ஆசிரமம் சென்று விட்டார். 

எனக்குள் ஒரு நிம்மதி பரவியது.

அவரின் உழைப்பால் எத்தனையோ லட்சம் மக்கள் உணவு அருந்தினார்கள். எத்தனையோ பேர்களுக்கு கல்வி கொடுத்தார். இன்றும் கொடுத்து வருகிறார். அவரால் உருவாக்கப்பட்ட கல்வி நிலையங்களும், ஆசிரமங்களும் இன்றும் இயங்கி வருகின்றன. அப்பேர்பட்ட தொண்டு செய்தே பழுத்த சுவாமிகள் என் உழைப்பில் ஒரு வாய் உணவு எடுத்தால் அது எனக்கு மகிழ்ச்சியானது அல்லவா? அவர் தகுதிக்கு எனக்கு ஐந்து வருடம் உணவிட்டு எனக்கு தொண்டு செய்ய அனுமதி தந்தார். என் தகுதிக்கு ஒரு வேளை உணவு. சின்ன ஆசை தானே.

அவர் என்னிடம் கேட்டது மூன்று. ஒன்று வேதாரண்யத்தில் தாயுமானவர் சுவாமிகளின் பெயரில் கல்லூரி, கரூரில் பெரிய சுவாமி என்று அழைக்க கூடிய சித்பவானந்தர் சுவாமிகள் பெயரில் ஒரு பல்கலைக்கழகம், மற்றொன்று பள்ளப்பாளையத்தில் ஒரு கல்லூரி (சுவாமி ஆத்மானந்தர் கல்லூரி - என் நினைப்பு). 

என்னால் இத்தொண்டினைச் செய்ய முடியுமா? முடியாதா? என்பது எனக்குத் தெரியாது. ஆனாலும் கேட்டார். செய்யலாம் சுவாமி என்று சொல்லி இருக்கிறேன். இறைவனின் எண்ணமெதுவோ அதுவே நடக்கும்.

சேலத்தைச் சேர்ந்த தங்கவேல் என்ற சுவாமிகளின் அன்பர் எனக்கு இப்பிறப்பே இறுதி பிறப்பு என்று சொன்னதாகவும், ஆனால் எனக்கு அப்படி எல்லாம் வேண்டாம் நான் மீண்டும் மீண்டும் மனிதனாகவே பிறந்து தொண்டு செய்ய வேண்டுமென்று விரும்புவதாக அவரிடம் சொன்னதாகவும் என்னிடம் அடிக்கடிச் சொல்வார்.  இறைத்தொண்டாற்றிட மீண்டும் மீண்டும் மனிதபிறவி எடுத்தல் வேண்டுமென்ற ஆவல் அவரிடம் நிரம்பி இருந்தது. மேலோர் எப்போதும் மேன்மையாக சிந்திப்பர் அல்லவா?

எனது ஞானத்தந்தையார் எப்போதும் என்னைப் போன்ற லட்சோப லட்சம் அன்பர்களின் நினைவுகளில் வாழ்வாங்கு வாழ்ந்து கொண்டே இருப்பார். 

இறைதொண்டு என்றால் அவர் சுவாமி ஆத்மானந்தர் ஒருவரே.

என் ஞானத் தந்தையான சுவாமி ஆத்மானந்தர் பாதம் பணிந்து வணங்கி மகிழ்கிறேன். 

சரி விஷயத்துக்கு வருகிறேன்.

குருநாதரின் ஆசிரமத்தில் சுவாமி ஆத்மானந்தருக்கு ஜோதி சுவாமி சீரக நீர் ஆற்றிக் கொடுத்தார். அப்போது ஜோதி சுவாமி என்னிடம் சொன்னது இப்பாட்டு. 

தாயாரிருந்தென்ன தந்தையுமிருந்தென்ன

தன்பிறவியுறவு கோடி

தனமலை குவித்தென்ன கனபெயரெடுத்தென்ன

தாரணியையாண்டுமென்ன

சேயர்கள் இருந்தென்ன குருவாய் இருந்தென்ன

சீடர்கள் இருந்துமென்ன

சித்துபல கற்றென்ன நித்தமும் விரதங்கள்

செய்தென்ன நதிகளெல்லாம்

ஓயாது மூழ்கினும் என்ன பயன் எமனோலை

ஒன்றைக் கண்டு தடுக்க உதவுமோ!

இதுவெல்லாம் சந்தை உறவென்று தான்

உந்தனிருபாதம் பிடித்தேன்

யார்மீது உன்மனமிருந்தாலுமுன் கடைக்

கண்பார்வையது போதுமே

ஈசனே சிவகாமி நேசனே

எனையீன்ற தில்லைவாழ் நடராஜனே! 

இந்தப் பாடல் நடராஜர் பத்து என்ற தொகுப்பில் உள்ளது. சிறுமணவூர் முனுசாமி அவர்களால் பாடப்பெற்றது இப்பாடல்.

நீங்களும் பாடலைப் படித்துப் பாருங்கள்.

படித்து விட்டீர்களா?

எமனின் ஓலையைத் தடுப்பார் எவருண்டு இதுவெல்லாம் சந்தை உறவு என்பதால் தான் உன் பாதம் பிடித்தேன் ஈசனே என்கிறது பாடல்.

இன்றைக்கு எனக்குள் கேள்வி எழுந்தது. ஜோதி சுவாமியை அழைத்தேன்.

“சாமி, என்ன செய்தாலும் மரணத்தை ஜெயிக்க முடியாதே, பின்னே ஏன் நடராஜர் பாதத்தைப் பற்றிப் பிடிக்கணும், தேவையில்லை அல்லவா?” என்றொரு கேள்வியை வீசினேன்.

அதற்கு அவர்,” ஆண்டவனே, உள்ளே ஓடும் மூச்சு தான் சிவம், சிவம் போனால் சவம். முச்சினை வெளியே விடாமல் உட்புறமாகச் செலுத்தி பயிலும் கால், உடலின் கூறுகளைப் பிணைத்திருக்கும் கொக்கிகளை நீக்கினால் பட்டினத்தார் போல நவகண்ட சித்து தன்மையில் காற்றில் கரைத்து பிரபஞ்சத்தோடு கலந்து விடலாம். வள்ளலார் ஒரு படி மேலே சென்று ஒளிதேகமாய் மறைந்தார். அது போலவே மரணத்தை வெல்லலாம். அதுவே சர்மார்க்கி என்பதாகும். அதுவே சீவனறிவு. பிறவறிவெல்லாம் அறிவல்ல.” என்றார்.

எமனோலையை மறுக்கலாம் என்று புரிந்து கொண்டேன். ஆகவே மரணத்தை வெல்லலாம் என்று அறிக.

புதுச்சேரி ஜிப்மரில் இந்தி கட்டாயம் - இயக்குனர் ராகேஷ் அகர்வால் உத்தரவு

இனிமேல் புதுச்சேரி ஜிப்மர் மருத்துவமனையில் இந்தியில் கோப்புகள் பராமறிக்க வேண்டும் என இயக்குனர் ராகேஷ் அகர்வால் உத்தரவு. போராடும் மதிமுக.

செய்தி உதவி : தினமணி

மதிமுகவினருக்கு ஏனிந்த வேலை. மொழிகளின் மன்னரான கடவுளுக்கு மட்டுமே புரியும் உயரிய பாஷை சமஸ்கிருதத்தில் அல்லவா இனி அரசாங்கம் உத்தரவுகளைப் போட வேண்டும். தமிழ் அழிந்தால் என்ன? அழியாவிட்டால் தான் என்ன? தமிழைப் பற்றிய கவலை ஏன்? ஆகவே சமஸ்கிருதத்தில் உத்தரவுகள் இருக்க வேண்டுமென்று போராடுங்கள். நாமெல்லாம் சூத்திர அடிமைகள் என்பதை மறவாதீர்கள். பிஜேபி அண்ணாமலையின் பாத சுவடொற்றி அரசியல் செய்யுங்கள் மதிமுகவினரே. அதுதான் தேசப்பற்று. 

ஒன்றிய அமைச்சர் முருகன் சொல்வது உண்மையா? ஒன்றிய அரசு சொல்வது உண்மையா?

ஒன்றிய தகவல் தொழில் நுட்ப அமைச்சர் திரு.முருகன் அவர்களின் பேச்சு கீழே. தினமணியில் வந்தது.


படித்து விட்டீர்களா? இனி இந்தியா டுடேவில் வெளியான ஒன்றிய அரசு வெளியிட்ட தகவல் கீழே. படித்துப் பாருங்கள்.


இதில் எது உண்மை என்று அமைச்சர் முருகன் சொல்வாரா? என்று எவரும் கேட்க வேண்டாம். ஏனென்றால் அமைச்சர் சொன்னதே சரி. ஒன்றிய மின்சார அமைச்சகம் வெளியிட்ட தகவல் பொய்யானது என்று தெரிந்து கொள்க.

நன்றி : தினமணி, இந்தியா டுடே

பட்டினபிரவேசம் - மீண்டும் ஏமாந்தாரா மன்னன் - உண்மை என்ன?

இது ஒரு கதை. யாரையும் எவரையும் குறிப்பிடுவன அல்ல.

அந்தக் காலத்தில் ஒரு மன்னனின் ஆட்சிக்கு உட்பட்ட ஆதீனங்களில் இறைப்பணி செய்து வந்த மடாதிபதிகள் (மடத்தின் அதிபதி) பல்லக்கில் மனிதர்கள் சுமக்க பட்டினப் பிரவேச வீதியுலா வருவதை வாடிக்கையாக வைத்திருந்தார்கள். 

இந்தப் பிரவேசத்தைப் பற்றிக் கேள்வியுற்ற மன்னன் அதற்கு தடை விதித்தான். இப்போது தமிழக அரசு தடை விதித்தது போல.

உடனே அந்த குரு மஹா சன்னிதானங்கள் அவர்களிடத்தே பொருள் மற்றும் இன்னபிற சுகானுபவங்களைப் பெற்ற ஆன்மீக அன்பர்கள் மன்னனிடம் சென்று தடையகற்ற கோரிக்கை விடுத்தனர். அது மரபு என்று குரு சீடர்கள் பரம்பரை என்றும் தர்மம் உரைத்தனர்.

அதனைக் கேட்ட மன்னனும் ஒரு நிபந்தனையுடன் அனுமதி தரலாமென்றான்.

அந்த நிபந்தனை என்னவென்றால் கடவுளர் திருவுருங்களைப் பல்லக்கில் சுமந்து செல்வது ஏற்பவையே. ஆனால் அதற்கு நிகராக இந்த மானிடர்களைச் சுமப்பது சரியல்லவே. இருப்பினும் ஆன்மீக அன்பர்களின் வேண்டுகோளுக்காக கடவுளருக்கு நிகரான குரு என்று சொல்லப்படும் இந்த மஹா சன்னிதானங்கள் நான் இரண்டாக வெட்டிப் போடும் மாட்டினை மீண்டும் உயிர்ப்பித்தால் அனுமதி வழங்கப்படும் என்றான்.

கடவுள் நிகர் குரு எனில் வெட்டி கொல்லப்பட்ட மாட்டின் இருபாகங்களை உயிரோடு எழுப்பினால் குருவும் கடவுளுக்கு நிகரானவர் என்று ஒப்புக் கொண்டு பல்லக்கில் பட்டினப் பிரவேசத்துக்கு அனுமதி அளிப்போம் என்பதாகும் மன்னனின் நிபந்தனை.

ஆன்மீக அன்பர்கள் ஏற்றுக் கொண்டார்கள்.

இதனை குரு மகா சன்னிதானங்களிடம் தெரிவிக்க, இதற்கு நாங்கள் ஏன், இதைச் செய்ய வேறொருவர் இருக்கிறார் என்று சொல்லி, சீடரே வெட்டப்பட்ட மாட்டினை உயிர்ப்பிப்பார் என்று சொல்லி அனுப்பினர்.

இந்த இடத்தில் ஒரு கேள்வி வரும். 

மன்னன் கேட்டதோ பல்லக்கில் பவனி வர துடித்துக் கொண்டிருக்கும் மகா சன்னிதானங்கள் மாட்டினை உயிர்ப்பிக்க வேண்டுமென்பதாம். ஆனால் மகா சன்னிதானங்கள் சொன்னதோ யாரோ ஒரு சீடர் அதைச் செய்வார் என்று என்பதால் நாங்கள் உயிர்ப்பிக்க வேண்டியதில்லை என்று.

என்ன காரணத்தினால் மன்னன் இந்த பதிலை ஏற்றுக் கொண்டான் என்பதறிய இயலவில்லை.

அதன்படி மகா சன்னிதாங்கள் வீர சைவ சீடர் ஒருவரிடம் செய்தி சொல்லி அனுப்புகின்றார்கள். மன்னனின் நிபந்தனையை நிறைவேற்றி பட்டினப் பிரவேசம் நடத்த ஏதுவாக மாட்டினை உயிர்ப்பிக்க வேண்டுமென்று கேட்க, அதற்கு அவர் எம் குருவின் அனுமதி கிடைத்தால் நிறைவேற்றி தரவியலும் என்று உரைத்தார்.

குரு அனுமதி தந்து விட்டதாக சீடரிடம் தகவல் சொல்ல அவர் திருவண்ணாமலை வரைக்கும் ஒரு காதம் தாண்டி கொதிக்கலன்கள் அமைக்கும்படியும் அதற்குள் ஆணியால் வேயப்பட்ட காலணிகள், தண்டம் இவைகளை வைக்கும்படியும் கேட்டுக் கொண்டார். 

அதன்படியே செய்ய, சீடரும் கொதிகலனுக்குள் இருந்த ஆணி செருப்பு அணிந்து கையில் தண்டம் கமண்டலமேந்தி ஒரு காதம் தூரம் நடந்து அங்கிருந்த மற்றொரு கொதிகலனில் மேற்படிகளை நீக்கி, புதியன அணிந்து மாடு வெட்டிக் கிடந்த இடத்தருகே வருகிறார். 

மன்னனும் வருகிறான்.

கையில் இருந்த ஒரு வெள்ளித் தண்டத்தினால் வெட்டுப்பட்ட மாட்டின் இருபாகங்களைத் தட்ட மாடு உயிர் பெறுகிறது. மன்னனுக்கோ அதிசயம். 

இருப்பினும் மாயா வித்தையாக இருக்குமோ என்று நினைத்து, கல் நந்தியை உயிர்பிக்கலாமே என்று கேட்க, சீடரும் அதன்படி வெள்ளித் தண்டத்தால் கல் நந்தியை தட்ட அதுவும் உயிர் பெற்று ஓடியது.

மன்னன் மிக மகிழ்ந்து பட்டினப் பிரவேசத்துக்கு அனுமதி கொடுத்ததாக ஒரு கதை ஒன்று உண்டு.

அதன் பிறகு கடவுளர் திரு உருவங்கள் முன்னே பல்லக்கில் வர, பின்னாலே மகா சன்னிதானங்கள் பல்லக்கில் உலா வந்தனர் என்றும் சொல்லப்படுவதுண்டு.

இந்தக் கதையை சித்தர் பீடம் 200 என்ற நூலில் படித்துக்கொள்ளுங்கள்.

அன்றைக்கு நடந்த நிகழ்வு இன்றைக்கு வேறு வழியில் நடைபெற உள்ளது. காலம் தான் மாறி இருக்கிறது. சம்பவங்கள் மாறவில்லை.

ஆகவே மரபினை மதித்து அனுமதி தரும் அரசாங்கம் #உடன்கட்டை ஏறுவதை தடை செய்த சட்டத்தை நீக்கி அனுமதிக்கும் காலம் வரும் என்று நம்பலாம்.

ஏனென்றால் இது மரபாகும். 

மரபினை மாற்ற எவருக்கும் இங்கு அனுமதி இல்லை. அங்கனம் செய்வது ஆன்மீக அன்பர்களின் மனத்தை வருத்தமுடையச் செய்யும் என்று அரசுக்கு வேண்டுகோள் விடுக்கிறேன்.

மனிதனை மனிதன் சுமப்பது மரபு என்றால் இதுவும் மரபேயாம்.

அதாவது கணவன் இறப்பின் அவன் மனைவி உயிரோடு சிதையில் உடன் கட்டை ஏறி எரிந்து அவனோடு சாம்பலாக வேண்டுமென்பது மரபு.

அதுமட்டுமல்ல, சினிமா பாடல் புகழ் #சின்மயி அவர்களின் தாயார் கூறியதைப் போல, புகழ் பெற்ற கோவில்களில் #தேவதாசி மரபினை மீண்டும் கொண்டு வருதலும் மரபேயாம். அவ்வாறு தேவதாசி முறை கொண்டு வந்தால் அது கோவிலில் இறைவனுக்கு தொண்டாற்றும் ஆன்மீக அன்பர்களின் காம நோய் தீர தேவதாசிகள் பயனாயிருப்பர் என்பதும் மரபே. ஆகவே அரசுகள் மேற்கண்ட இரண்டு மரபுகளுக்கும் மனம் உவந்து தடை நீக்கி சட்டமியற்றி ஆன்மீக மரபுகளை காத்திட வேண்டுமென்று கேட்டுக் கொள்கிறேன்.

வாழ்க ஆன்மீகம், தழைக்கட்டும் மரபுகள்.